LABORATORIYA ISHI № 6 Eritmalarni tayyorlash va ularning konsentratsiyasi aniqlash Ishning bajarilishi 1. Kerakli jihozlar: Texnik tarozi, o`lchov tsilindiri, o`lchov kolbasi, areometr, stakan, voronka, sklyanka.
2. Kerakli reaktivlar: Kristall soda Na2CO3 ·10 H2O, Xlorid kislota HCl ning kontsentrlangan 37 % li eritmasi, Natriy xlorid NaCl ning 5 % li va 20 % li eritmalari, Bariy xlorid BaCl2·2H2O, Kontsentrlangan nitrat HNO3 kislota , distirlangan suv.
1. Foiz konsentratsiyali eritma tayyorlash A. Qattiq moddani suvda eritib tayyorlash. Na2CO3 ·10 H2O ni suvda eritib natriy karbonatni 5% li eritmasidan 200 g tayyorlang. 200 g 5% li eritma tayyorlash uchun proportsiya yo`li bilan zarur bo`lgan suvsiz Na2CO3 miqdorini hisoblab toping.
Hisoblangan miqdordagi Na2CO3 ·10H2O ni 0,1 g aniqlik bilan texnokimyoviy tarozida tortib oling. Olingan miqdorni eritish uchun qancha suv kerakligini hisoblang. O`lchov silindrida shu hajmdagi suvni o`lchab oling. Maydalangan tuzni ozroq miqdordagi suvda 200 ml o`lchov kolbasiga qo`ying va belgisigacha suv quying.Tayyorlangan eritmani molyar va normal konsentratsiyasini hisoblang.
B. Kontsentrlangan eritmaga suv qo`shib tayyorlash. Xlorid kislotaning (HCl) kontsentrlangan 37%li eritmasi dan foydalanib 250 g. 10 % eritma tayyorlash uchun kislotadan qancha og`irlik qism kerakligini hisoblang va topilgan og`irlik birligini hajm birligiga aylantiring. qancha hajm suv kerakligini hisoblang. Hisoblangan hajmdagi kislotani tsilindrda o`lchab olib malum qismigacha suv quyilgan 250 ml o`lchov kolbasiga quying va belgisigacha suv quying.
