O’zbekiston respublikasi sog’liqni saqlash vazirligi toshkent tibbiyot akademiyasi tibbiy ta’limni rivojlantirish markazi ginekologiyadan yagona uslubiy tizim bo’yicha yaratilgan amaliy mashg’ulotlar o’tkazish uchun o’quv qo’llanmasi

1 - masala

Ginekologik bo’limga infeksion kasalxonadan 28 yoshli bemor ayol qorinning pastki soxasidagi ogriq, qayt qilish va holsizlik bilan olib kelindi. Ko’p marta ich ketishi sababli infeksion kasalxonaga yotqizilgan. Kotrasepsiya maqsadida 3 yil oldin BIV qilingan. Oxirgi 3 yilda ginekolog ko’rigida bo’lmagan. Obyektiv: puls 90 zarb/min. AQB 110/60 mm.sim.ust. NOS 18 marta/min. Tili quruq, oq karash bilan qoplangan. Qorni biroz shishgan, chuqur palpatsiyada hamma sohada og’riqli, qorinning ta’sirlanish simptomi gipo- va mezogastral sohada musbat. Qin tekshiruvi: qini bo'sh. Bachadon bo’yni silindrik shaklda, tashqi bo’g’iz tirqishsimon, bo’g’izda BIV “o’siqchalari” bor. Servikal kanalda yiringli ajralma bor. Bachadon bo’yni yumaloq shaklda, normadan biroz ko’proq, yumshoq, og’riqsiz. O’ng tomonlama va bo’yin orqa sohasida notekis konturli hajmi 8,5 х 6,5 х 6,0 sm li yumshoq konsistensiyali og’riqli hosila aniqlanadi. Orqa gumbaz qisqargan. Parametriy infiltratsiz. Qin tekshiruvida ixtiyorsiz suyuq ich kelishi kuzatiladi.

Rektal tekshiruv: to’g’ri ichak ampulasi bo’sh, harakatchan shilliqli. Ichak old devori orqali bachadon orti bo’shliqda notekis konturli hajmi 8,5 х 6,5 х 6,0 sm li hosila palpatsiyalanadi. Ichak old devorida diametri 0.5 smli defekt palpatsiyalanadi. Qo’lqopda yiring aniqlanadi.