16-mavzu: Yangi yilga yangicha qadam (Yangi yil bayrami yaqinlashishi munosabati bilan). (1 soat) O`quvchilarda yangi yil bayramida ezgu orzular bilan yangi yilga qadam qo’yish, maktabning odob-axloq qoidalariga qat’iy rioya etish, yangi yilda tashkil etilgan bayram tadbirlarida namunali ishtirok etish xislatlarini tarbiyalash hamda o’quvchilar ongiga yangi yilda inson qalbi ham qor kabi oppoq bo`lishi lozimligini singdirish.
17-mavzu: 14 yanvar – Vatan himoyachilari kuni. (1 soat) O‘quvchilar qalbi va ongiga Vatan muvaffaqiyatida o‘zlarining ham shaxsiy burchlari va mas’uliyatlari borligini chuqur singdirish, ularda ona yurtga mehr-oqibatli bo`lish, Milliy armiyamiz haqida ma’lumotlarga ega bo`lish, Vatan muammolarini o‘zinikidek qabul qilish, Vatan yukini o‘z elkasiga olish, mumkin qadar ona yurtiga foyda keltiradigan shaxs bo‘lib ulg‘ayish xislatlarini tarbiyalash.
18-mavzu: Kitob ma’rifat chirog‘i. (1 soat) O‘quvchilarga kitob-millatning madaniy va ma’naviy merosi ekanligi haqida tushuncha berish. O‘quvchilarning kitobga bo‘lgan qiziqishini oshirish va ularda mutoala madaniyatini shakllantirish
19-mavzu: Yo‘l belgilari(buyuruvchi va axborot-ko‘rsatkich belgilari)(1 soat nazariy va amaliy mashg‘ulot) Buyuruvchi belgilarning vazifasi va o‘rnatilishi. Yo‘l harakati ishtirokchilarining buyuruvchi belgilar talabiga amal qilishlari. Axborot ko‘rsatkich belgilarinig vazifasi va o‘rnatilishi. Mashg‘ulotlarni amaliy mustahkamlash maqsadida maktab hududidagi harakat xavfsizligi maydonchasida o‘tkaziladi.
20-mavzu: Buyuk allomalar hayoti– ibrat namunasi (Navoiy va Bobur tavallud kunlari oldidan). (1 soat) O`quvchilarda avliyolar avliyosi, mutafakkirlarning mutafakkiri, shoirlar sultoni Alisher Navoiyning hayoti va ijodiga bo’lgan hurmat hamda qiziqishni yanada rivojlantirish orqali ularning qalbi va ongiga mehr-oqibat, insonparvarlik, xalqparvarlik, vatanparvarlik tuyg'u’larini singdirish. SHuningdek, ularda shoh va shoir Zahiriddin Muhammad Boburning hayoti va ijodiga hurmat hamda qiziqishni yanada rivojlantirish orqali ularning qalbi va ongiga ona Vatanga mehr-muhabbat, millatlararo hamjihatlik, dinlararo bag’rikenglik g’oyalarini singdirish.
