Xulosa qilib aytganda, oila tarbiyasi va uni samarali tashkil etish masalasi xorijiy mamlakatlarida barcha davrlar uchun muhim ijtimoiy muammolardan biri sifatida e’tirof etib kelingan. Har bir davr va makonda ham jamiyatning ilg‘or kishilari – mutafakkirlar, ma’rifatparvarlar va pedagoglar bolalarni oila sharoitida tarbiyalash, bu borada yuqori samaraga erishish masalalarini tadqiq etishga jiddiy e’tibor qaratganlar. Ular tomonidan yaratilgan aksariyat asarlarda oila tarbiyasining samarali tashkil etilishi ijtimoiy taraqqiyotni kafolatlashi, shu sababli bolalar tarbiyasini tashkil etishda ota-onalarning mas’ul ekanliklari bayon etilgan. Ota-onalar tomonidan bolalarning еtuk shaxs sifatida tarbiyalashga erishilishida ularning pedagog bilimlarga ega bo‘lishi muhim ahamiyat kasb etadi. Binobarin, ular pedagogik bilimlarni o‘zlashtirish orqali bolalarni oila muhitida еtuk shaxs qilib tarbiyalashga imkon beradigan samarali metod va vositalardan xabardor bo‘ladilar.
Mustaqil ta’lim uchun referat mavzulari !!!
1. Polyak pedagogi, bolalar yozuvchisi bo‘lgan Yanush Korchak (taxallusi; haqiqiy ismi va familiyasi – Genrix Goldshmit; 1879-1942 yy.)“Bolalarni qanday sevmoq kerak?” (“Kak lyubit detey?”) nomli asarini o’qing va shu mavzu bo’yicha referat yozing.
Rus pedagoglarining oila pedagogikasiga oid qarashlari. Mashhur rus yozuvchilari – A.I.Gersen, K.D.Ushinskiy, L.N.Tolstoy va N.A.Dobrolyubovlar taraqqiyotparvar shaxslar sifatida jamiyat hayotiga daxldor, xususan, oila tarbiyasi samaradorligini oshirishga doir ilg‘or fikrlari asosida referat tayyorlang.
