O'zbyekiston ryespublikasi oliy va o'rta maxsus ta'lim vazirligi qarshi muhandislik iqtisodiyot instituti “kasb ta'lim” fakultyeti

2.Inson komilligining mezonlari. 

---

Inson qadri umrida qancha yil yashagani bilan emas, balki bu fursatdan 
qanday foydalanganligi, el va jamiyat manfaati yo'lida nima ishlar qilganligi bilan 
o'lchanadi. Mustaqil fikrlash komillikning asosiy belgisidir. Komillik uch 
bosqichdan (mezondan) iborat. 
Jismoniy salomatlik 
Ahloqiy poklik 
Aqliy etuklik 
Bu bosqichlarni shakllantirishda mustaqil fikrlash etakchi ustivor o'rin 
egallaydi. Talaba yoshlar tarbiyalashni qalban hohlab intilsalar, jismoniy va 
ahloqiy komillik darajasiga osonlik bilan erishsa bo'ladi. Ammo aqliy kamolotga 
erishish esa, asab tizimining taranglashuvi, aqliy zo'riqish, hissiy jiddiylashuv, 
barqaror irodaviy hatti—harakatlar uzluksiz faollik, fidoiylik, bilimga chanqoqlik 
namunalari evaziga bosqichma-bosqich, asta-sekinlik bilan amalga oshadi. 
Mustaqil fikrlash sarchashmasi fahmlash, ya'ni anglashdan, fikr yuritishdan 
boshlanadi. 
Anglash – biror bir g'oyani (fikrni) tub mazmuniga tushunib etish. 
Mushohada – shu g'oya (fikr) ni mantiqan talqin qilish. 
Tafakkur – inson ongidagi mavjud ilmiy va hayotiy bilimlar majmualaridan 
keragini sarflab olish va amaliyotga qo'llash. 
Amaliyotda (praktikada) qo'llash – hayotda bir necha bor qo'llanilgan 
o'zining ijobiy hosilasini bergan, ishonchli muammolar echimi bilan solishtirib, 
xulosa qilish, so'ng tafakkur saviyasiga tayanib, yagona echimni tanlash va undan 
amaliyotda foydalanishdir. Mustaqil fikr yuritish jarayonida insonda fikr, 
mulohaza, g'oya, faraz, maqsad kabilar vujudga keladi. Mustaqil fikr yuritish til va 
nutq bilan chambarchas bog'liq ravishda namoyon bo'ladi hamda ular uzluksiz 
tarzda bir-birini taqozo etadi. Xuddi shu boisdan inson o'zining mustaqil fikrlashi, 
muomalasi (muloqoti), nutqi hamda ongli xulq-atvori tufayli borliqdagi 
mavjudotlardan tubdan ajralib turadi. Inson mustaqil fikr yuritish faoliyatida o'zi 
aks ettirgan, sezgan, idrok qilgan, tasavvur etgan, xotirlab qolgan narsa va 
hodisalar to'g'riligi, aniqligi, haqiqiyligi yoki ularning voqelikka mos tushishini 

---

aniqlaydi. Borliqni bilish jarayonida hosil qilingan hukmlar, tushunchalar, 
xulosalar, farazlar (taxminlar) chiqarilgan qarorlar chin yoki chin emasligini 
belgilab oladi. Inson mustaqil fikrlash orqali voqelikni umumlashtirib, bilvosita va 
bevosita aks ettiradi, narsa va hodisalar o'rtasidagi ichki, murakkab bog'lanishlar, 
munosabatlar, xossalar, xususiyat hamda muxanizmlarni anglab etadi. Sababi, 
inson muayyan qonun, qonuniyat va qoidalarga asoslangan holda tabiiy, ijtimoiy 
hodisa va voqealarni vujudga kelishi, kechishi, rivojlanishi hamda oqibatini 
oldindan ko'rib turish imkoniyatiga egadirlar. Mustaqil fikrlash aqliy faoliyat 
sifatida olib qaralganda, inson tomonidan masalalar, topshiriqlar echish nazarda 
tutiladi. Ularning shartlari, mohiyati, tuzilishi, shakllari va shaxsning anglash 
imkoniyatlari kuzatiladi. Masala, muammo, topshiriqlarni echish shaxsning 
ehtiyoji, qiziqishi, mayli, qobiliyati, iste'dodi, salohiyati bilan bog'liq ravishda olib 
qaraladi, ularning talablarni qabul qilish, muayyan qarorga kelish, vositalar qidirish 
mustaqil fikr yuritishning mustahkam negizini tashkil qiladi. 
Ijtimoiy hayotda, ta'lim jarayonida va ishlab chiqarishda shaxslararo 
(ob'ektiv va sub'ektiv) munosabatlar, aloqalar, hamkorlikdagi aqliy va jismoniy 
mehnat mahsuli, muomala, me'yori, mustaqil fikrlash majmuasi tariqasida yuzaga 
keladi. 
Jamoada tanqid, o'zini-o'zi tanqid qilish, o'zini-o'zi baholash, o'zini-o'zi 
nazorat qilish, o'zini-o'zi tekshirish, o'zini-o'zi boshqarish, o'zini-o'zi rivojlantirish, 
o'zini-o'zi namoyon qilish, o'ziga-o'zi buyruq berish, guruhiy mulohaza, 
mushohadadan iborat mustaqil fikr yuritish sifatlari shakllanadi. Insonni inson 
tomonidan idrok qilinishi, ya'ni notanish shaxsning ruhiy holatini aniqlash, taxmin 
qilish eng zarur alomat va belgilarni to'plash ham mustaqil fikrlash mahsulidir. 
Mazkur murakkab bosqichli bilish jarayoni insondan irodaviy zo'r berishni, aqliy 
jiddiylikni, ongli munosabatni, barqaror vaziyatni, qulay shart-sharoitni talab 
qiladi, muayyan xulosaga kelinadi.