Qaldirilmasi yollari

Problemin qoyuluşu və öyrənilmə səviyyəsi: Tanınmış çağdaş Amerikalı 
iqtisadçı Michael Porter təməl əsərində “Beynəlxalq Rəqabət. Ölkələrin Rəqabətçi 
Üstünlükləri” bir ölkənin rəqabət qabiliyyətinə təsir göstərən beş əsas faktoru müəyyən 
edir: 1) elm və texnologiya, 2) kapital, 3) işçi qüvvəsi, 4) infrastruktur, 5) 
məlumat. Müəllifə görə, bu amillərin rəqabətqabiliyyətliliyinə təsirinin nəzərə alınması 
lazım olan əsas determinant istehsal səmərəliliyidir (inflyasiya nəzərə alınmaqla real 
məhsuldarlıq) + malların keyfiyyət xüsusiyyətləri. Bu, həqiqətən, ölkə səviyyəsində 
məhsuldarlığın mövcud mənbələrdən səmərəli istifadə dərəcəsi və eyni zamanda 
mümkün olan ən yüksək məhsul keyfiyyətinə nail olmaq kimi tərifini nəzərdə tutur. 
Tədqiqatın məqsəd və vəzifələri: Bu işin məqsədi ayrı-ayrı şirkətlərin və ya 
firmaların xarici bazarlarda mal satmağa yönəldiyi zaman xarici iqtisadi fəaliyyətdə 
beynəlxalq marketinqin tərkibini, məqsədlərini, prinsiplərini və metodlarını
açıqlamaqdır. Sözügedən məqsəddən yola çıxaraq, aşağıdakı vəzifələri 
müəyyənləşdirmək olar: 

beynəlxalq marketinqin təşkilinin mahiyyətinin və xüsusiyyətlərinin 
açıqlanması; 

beynəlxalq marketinqdə satış strategiyalarının təhlili; 

beynəlxalq marketinqdə satışın təşviqi vasitələrinin öyrənilməsi; 

---

9 

Şirkətlərin təşkilati və hüquqi xüsusiyyətlərinin nəzərə alınması; 

Mal və xidmətlər ixrac edilərkən istifadə edilən strategiyaların öyrənilməsi və 
s. 
Tədqiqatın obyekti və predmeti: Tədqiqatın başlıca obyekti beynəlxalq 
marketinq strategiyası anlayışı və onun dünya iqtisadiyyatında yerinin öyrənilməsidir. 
Bu zaman tədqiqatın predmeti qismində isə ayrı-ayrı şirkətlərin beynəlxalq strategiya 
modellərinin tədqiq edilməsi və öyrənilməsi çıxış edir.