Direktorun el kitabi A5 21 04 2021. indd

təsiri ilə formalaşır. 
Yeniyetmə yaşlarında dostlar məlumat və tə-
sirin mühüm mənbəyidir. Əgər yeniyetmələrin 
siqaret çəkmək və ya içki içmək, yaxud narko-

---

169
tik vasitələr sınamaq risklərindən narahatsınız-
sa, unutmayın ki, yeniyetmələr bunları heç vaxt 
tək etmirlər. Ancaq dostları ilə birlikdə sınayırlar. 
Yeniyetməlik illərində sosial təsir ən yüksək sə-
viyyədə olur.
3. Yuxudan gec oyanmağın bioloji səbəbi var.
İstənilən valideyn yeniyetməlik dövründə 
övladının yu xu sunun dəyişdiyini deyir. Azyaşlı 
uşaqlar səhər tez ayılırlar və axşam tez yatırlar. 
Lakin yeniyetməlik yaşlarında bu və ziy yət dəyi-
şir və yeniyetmələr üçün səhər yuxudan ayılmaq 
və axşam yatmaq çətinləşir. Burada çox güman 
ki, çoxlu səbəblər mövcuddur: yeniyetmələ-
rin həyatları daha gərgin olur, gecə dərsləri ilə 
məşğul olurlar, məktəbdən sonra başqa fəaliy-
yətlərə vaxt ayırırlar, dostları ilə söhbətləşirlər, 
bəlkə də telefonda oynayırlar. Lakin bütün bun-
lardan əlavə, bioloji sirkadian ritmin (circadian 
rhythm) dəyişdiyini də bilirik. İnsanlara gecə 
yuxusu verən melatonin hormonu yeniyetmələ-
rin beyinlərində uşaqlardan və yetkin yaşlı in-
sanlardan iki saat daha gec istehsal olunur. Bu 
da yeniyetmələrin yatmasını, eləcə də səhərlər 
yuxudan ayılmasını çətinləşdirir. Yeniyetmənin 
həftəsonu günortaya qədər yatmağına da bio-
loji səbəblər təsir göstərir”.
Mənbə: https://www.bbc.com/azeri/other-news- 48 1 1 2 20 1 

---

170
GİRİŞ
Bu bölmədə ilk olaraq davranış anlayışı açıqlanıb. Daha 
sonra təşkilati davranış anlayışı izah edilib. Təşkilat anla-
yışının müxtəlif tərifləri verilə bilər. Ancaq təşkilat varsa, 
orada idarəetmə də var. İdarəetmə və təşkilat anlayışları-
nı bir-birindən ayırmaq çətindir. Deyilə bilər ki, təşkilat 
idarəetmənin oyun sahəsidir. İdarəçilər bütün bilik və ba-
carıqlarını bir təşkilat strukturu daxilində göstərə bilərlər. 
Bütün təşkilatlarda idarəçilərin müsbət və mənfi qiymət-
ləndirilə biləcək davranışları mövcuddur. Müsbət davra-
nışlar adətən tədqiqatlar nəticəsində təşkilatın fəaliyyəti-
nin səmərəsini artıran davranışlar, mənfi davranışlar isə bu 
səmərəni azaldan davranışlar olaraq bilinir.