Pedaqogika imtahan cavabları Şagirdə münasibətə görə pedaqoji texnologiyaları fərqləndirin

Şagirdlər mövzu haqqında nə bilirlər? Şagirdlərin mövcud bilik, bacarıq, 
vərdişlərinin səviyyəsini yoxlamaq üçün bəzi test tipli tapşırıqlar, suallar 
vermək, müzakirələr aparmaq, sinifdə dərs deyən digər müəllimlərdən 
məsləhət almaq, dövlət sənədləri ilə tanışlıq faydalıdır. 
Şagirdlər nəyi bacarırlar? Təcrübəli pedaqoq təlimin planlaşdırılmasında 
diferensiallaşmanı, şagirdlərin fərdi tələbatlarının nəzərə alınması ilə yanaşı, 
onların hər birinin bacarıqlarından asılı olmayaraq fəaliyyətə qatılmasını və 
inkişafını təmin etməlidir. Diferensiallaşma, ilk növbədə, təlim nəticələrində 
nəzərə alınmalıdır. Məsələn, müxtəlif növ, çətinlik səviyyəsinə malik 
tapşırıqlar vasitəsilə, yəni fərqli bacarıqları olan şagirdlər üçün spesifik 
tapşırıqların hazırlanması və ya müəllimin fərqli izahı ilə. Diferensiallaşma 
öyrədiləcək tədris materialından asılı olaraq müxtəlif yollarla yaradıla bilər. 
Dərsin məqsədi, gözlənilən təlim nəticələri hansılardır? Təlim məqsədləri və 
təlim nəticələri haqqında dərsdə şagirdlərə məlumat verilir. Təlim məqsədləri 
dərsdə şagirdlərin nələri bilmələri, bacarmaları və anlamaları nəzərə alınaraq 
müəyyənləşdirilir. Məqsədlər eyni zamanda şagirdlərin davranışlarının necə 
dəyişmələrini təsvir edir. 
Dərsə nə qədər vaxt verilir? Verilmiş dərs planında sol tərəfdə cədvəl vardır. 
Şagirdlərin fəal iştirakını təmin etmək üçün qısa öyrənmə epizodları 
planlaşdırılmalıdır. Planlaşdırma mərhələsində praktik şəkildə dərsin 
qurulması, tamamlama və təkrarlama proseslərinin nə qədər vaxt aparacağı 
düşünülməlidir. 

---

Hansı təlim materialları, resurslar vardır? Lazımi vəsaitlərin mövcudluğu 
haqqında digər müəllimlərdən maraqlana məlumat almaq olar. 
Dərsin idarə olunmasında hansı yanaşmalardan istifadə olunmalıdır? 
Dərsdə şagirdlərin qruplaşdırılması, vəsaitlərdən istifadə, dərsin mərhələləri 
və şagirdlərin fəaliyyətləri arasında əlaqələrin qurulması əvvəlcədən 
planlaşdırılmalıdır.