Pedaqogika imtahan cavabları Şagirdə münasibətə görə pedaqoji texnologiyaları fərqləndirin
“İdarəetmə” və “rəhbərlik” anlayışlarını şərh edin
Yüklə 0,76 Mb. Pdf görüntüsü
|
|
56.“İdarəetmə” və “rəhbərlik” anlayışlarını şərh edin
Ümumtəhsil müəssisəsinin qarşısında dayanan vəzifələrin uğurla həyata keçirilməsi məktəbin idarə olunması, ona rəhbərlik edilməsi səviyyəsindən asılıdır. Müasir şəraitdə təlim-tərbiyə məsələlərinin kompleks həllində məktəbin idarə olunmasının, ona rəhbərliyin rolu dayanmadan artmaqdadır. İdarəetmə ilǝ müqayisədə “rəhbərlik” anlayışı daha geniş məna kəsb edir. Çünki rəhbərlik idarəetmənin bütün həlqələri üzrə əsas istiqamətləri və başlıca məsəlǝləri müəyyənləşdirir. Məktəbin idarə olunması ilə bağlı bütün məsələlər məktəbşünaslıq adlanır. Məktəbşünaslıq pedaqoji elmin məktəbin idarəolunmasının məqsədi, məzmunu və metodlarını, məktəbə rəhbərlik sistemini özündə ehtiva edən bir sahəsidir. Başqa sözlə, məktəbşünaslıq – cəmiyyət və dövlət tərəfindən məktəbin qarşısına qoyulan vəzifələri uğurla həll etmək məqsədilə həyata keçirilən təşkilati-pedaqoji tədbirlər sistemidir. Məktəbşünaslığın mövzusu məktəb işinin təşkili və idarəolunması prosesi, obyekti məktəbin idarəolunması üzrə təhsil orqanları və məktəb rəhbərliyinin çoxcəhətli fəaliyyətidir. İdarə etmək- fəaliyyət göstərmək, təsir etməkdir. İdarəetmǝ ilə əlaqədar işlər bir neçə mərhələdən ibarət olur, Məsələn, hər bir iş məqsəddən başlandığı kimi, idarəetmə də həmişə elmi cəhətdən əsaslandırılmış məqsədin irəli sürülməsindən başlayır. Sonra vəziyyət öyrənilir və müvafiq məlumat əldə edilir. Həmin məlumat əsasında görüləcək işin proqramı tutulur. Bu proqram üzrə işin təşkili təmin olunur. Daha sonra, işin gedişi nəzarətdə saxlanılır, yeri gəldikcə stimullaşdırma, təshih işi aparılır, pedaqoji təsir edilir, əks- əlaqələr yaradılır və s. Nəhayət, işin sonunda məlumatlar ümumiləşdirilir. Təhlil edilib qiymətləndirilir və gələcək fəaliyyət üçün müvafiq nəticələr çıxarılır. “Rəhbərlik” daha geniş anlayışdır. O, məktəbi idarəetməni həyata keçirən, fəaliyyətin əsas xətlərini, başlıca vəzifələrini müəyyənləşdirən, proseslərin təşkilinə istiqamət verən şəxsdir. Məktəbə direktor rəhbərlik edir. Məktəb həyatının əsas məsələləri demokratik prinsiplər əsasında kollegial orqanlarda – məktəb və pedaqoji şuralarda həll olunur. İdarəedici tərəf rəhbər və kollegial orqan nə qədər çevik, səriştəli və peşəkar fəaliyyət göstərərsə, məktəbin idarəetmə işləri də bir o qədər uğurla gedər. Yüklə 0,76 Mb. Dostları ilə paylaş:
|