Pedaqogika imtahan cavabları Şagirdə münasibətə görə pedaqoji texnologiyaları fərqləndirin

9. Flip təliminin mahiyyətini açıqlayın. 
Müasir yanaşmalardan biri olan flip təlim hazırda əksər pedaqoqlar tərəfindən 
müvəffəqiyyətlə tətbiq edilir. Flip sözü ingilis dilindən tərcümədə çevirmək, 
dəyişmək deməkdir. O, “məktəb tapşırığının evdə ev tapşırığının isə məktəbdə 
həll edilməsini” və birbaşa təlimatları nəzərdə tutan yeni pedaqoji yanaşmadır. 
Flip təlimin tətbiqi müəllimə sinfində bir sıra metodlardan eyni vaxtda 
yararlanmaq imkanı verir. Flip təliminə görə müəllimin hazırladığı video-roliklər 
vasitəsilə öyrənənlər təlim materialını əvvəl müstəqil araşdırır, əldə olunan 
bilikləri isə dərsdə tətbiq edir, təcrübədə sınayırlar. Ənənəvi təlim modelində 
müəllim diqqət mərkəzində dayanır. Əsas məlumat mənbəyi qismində çıxış edir, 
o sualları cavablandırır və problem həlli üçün fəaliyyətin alqoritmini, ardıcıllığını 
qurur. “Çevrilmiş” təlim modelində isə problemin həlli alqoritmini şagirdlər təklif 
edir. Bu da əsas bacarıqların, şagirdlərin müstəqil idrak-təlim fəaliyyətinin 
formalaşmasına münbit şərait yaradır. Pedaqoqlar flip təlimin dörd sütun 
üzərində dayandığını vurğulayırlar. 

---

Çevik mühit 
Müəllim tədrisi reallaşdırmaq, əlverişli şərait yaratmaq məqsədilə təlim 
məkanında tez-tez dəyişikliklər edir. Avadanlığın yerini dəyişdirmək fərdi və ya 
qrup işinin təşkilinə zəmin yarada bilər. Təlim məkanında çevik dəyişikliklər 
şagirdlərə təlim məqsədləri və fərdi istəklərinə görə nə vaxt və harada öyrənmək 
üçün seçim imkanı verir.
Təlim mədəniyyəti 
Flip model təlimdə şagirdyönümlü yanaşma əsasında təşkil olunur, sinif fəaliyyəti 
mövzunun daha dərin öyrənilməsinə, araşdırılmasına təkan verir. Şagirdlər 
biliklərin qurulmasında, yaradılmasında, təlimin qiymətləndirilməsində fəal 
iştiraka cəlb olunurlar. 
Məzmun 
Flip təlim metodundan istifadə edən müəllimlər şagirdlərin mövzunu dərindən 
mənimsəmələri üçün daim müxtəlif metod və yanaşmalar axtarışında olurlar. 
Pedaqoq nəyi və necə öyrədəcəyini, hansı materiallardan yararlanacağını 
öncədən müəyyənləşdirməlidir. Çünki təlim materialı şagirdlərin mənimsəməsini 
yüksəltməyə zəmin yaradan əsas amillərdəndir.