Odam anatomiyasi
Yüklə 10,25 Mb. Pdf görüntüsü
|
|
89. Dimoqning topografiyasi. 90. Dimoq, vomer; yuqoridan ko’ri- nishi. yuqorida – g’alvirsimon suyakning perpendikulyar plastinkasi, pastda – burun to’sig’ining tog’ayi bilan brikadi. Yuqorigi jag’ Yuqorigi jag’, maxilla (ras. 91-95; ras. 47, 49), juft, kalla qutusi yuz qismining oldyuqorigi qismida joylashgan. Bu suyak xavo saqlovchi suyaklar guruxiga kirib – o’zida shilliq parda bilan qoplangan katta yuqorigi jag’ pazuxasi, sinus maxillaris, ni saqlaydi. Suyakda tana va to’rtta o’simta farqlanadi. Yuqorigi jag’ning tanasi, corpus maxillae, Страница | 47 To’rt yuzaga ega: ko’z kosasi, oldingi, burun va chakka usti. Sauyakning quyidagi o’simtalari farqlanadi: peshona, yanoq, alveolyar va tanglay. Ko’z kosasi yuzasi, facies orbitalis, silliq, uchburchak shakilda, oldinga, tashqariga va pastga sal engashgan bo’lib ko’z kosasining pastki devorini hosil qiladi. Uning medial tomoni oldindan ko’zyosh suyagi bilan, ko’zyoshyuqorigi jag’ choki, ko’zyosh suyagidan orqaroqda – g’alvirsimon suyakning ko’z kosasi plastinkasi bilan, g’alvirsimon-yuqorigi jag’ choki, yana orqaga davom etib – tanglay suyagining ko’z kosasi o’simtasi bilan tanglay-yuqorigi jag’ chokini hosil qiladi. Ko’z kosasi yuzasining oldingi tomoni silliq va erkin ko’zkosasi osti qirg’og’I, margo infraorbitalis , ni hosil qiladi(ras.47, 125) Tashqi tomonda u tishlashgan yanoq o’simtasiga davom etadi. Ko’zosti qirg’og’I medial tarafda yuqoriga burulib, o’tkirlashadi va peshona o’sig’iga aylanadi. Bu joyda oldingi ko’zyosh qirrasi, crista lacrimalis anterior, joylashadi. Ko’zosti qirg’og’ini peshona o’sig’iga o’tish joyida ko’zyosh o’ymasi, incisura lacrimalis, hosil bo’ladi va u ko’zyosh suyagini ko’zyosh ilmog’i bilan birgalikda burunko’zyosh kanalining yuqorigi teshigini chegaralab turadi. Ko’z kosasi yuzasining orqa tomoniga ponasimon suyak katta qanoti ko’z yuzasining pastki tomoni paralel yo’nalgan bo’lib, ular orasida pastki ko’z yorig’i, fissura orbitalis inferior, hosil bo’ladi. Yoriq pastki devorining markazida tarnovcha – ko’z osti(kosachasi osti) egatchasi, sulcus infraorbitalis, bo’lib u oldinga tomon chuqurlashib boradi va ko’zosti kanali, canalis infraorbitalis, (egatcha va kanalda ko’zosti nervi, arteriya va venasi o’tadi) ga o’tib ketadi. Kanal ravoqsimon holatdagi yo’nalishni tasvirlab, yuqorigi jag’ tanasining oldingi yuzasiga ochiladi. Kanalning pastki devorida ko’p sonli kichik teshikchalar – tish kanalchalari – alveoryar teshik, foramina alveolaria, (ras, 94) joylashib; ulardan yuqorigi jag’ oldingi tushlari gruppasining nervlari o’tadi. Chakkaosti yuzasi, facies infratemporalis, chakkaosti chuqurchasi, fossa infratemporalis, va qanotsimon-peshona chuqurchasi, fossa pterygopalatina , ga qaragan: ko’pincha qabariq va notekkis bo’lib – yuqorigi jag’ do’mbog’i, tuber maxilae, ni hosil qiladi. Unda ikki yoki uchta kichik alveolyar teshikchalar, farqlanib, ular alveolyar kanalchalar, canalis alveolaris, (ras 94) ga olib boradi. Ulardan yuqorig ijag’ orqa tishlarining nervlari o’tadi. Oldingi yuza, facies anterior, bilinmas darajada botiq. Ko’zosti qirg’og’ining pasida, kattagina ko’zosti teshigi, foramen infraorbitale, ko’rinadi va undan pastda katta bo’lmagan botiqlik – kuldurgich chuqurchasi, fossa canina,(bu yerdan og’iz burchagini ko’taruvchi muskul, m. levator anguli oris, boshlanadi) joylashgan. Oldingi yuza pastda alveolyar o’simta, processus alveolaris, ning oldingi yuzasiga aniq chegarasiz o’tib ketadi. bu yuzada qator bo’rtiqchalar – alveolyar chiqiqliklar, juga alveolaria, joylashadi. Yüklə 10,25 Mb. Dostları ilə paylaş:
|