Yangi zot yaratish maqsadida chatishtirishning uchinchi bosqichidagi vazifalar va ularni hal etish usullari. Yangi zot yaratish maqsadida
chatishtirishning uchinchi bosqichida amalda sof zotli urchitishga o‘tiladi. Ushbu
bosqichda urchitish ishlari olib borilayotgan hayvonlar duragay emas, balki ular –
yangi zot guruhi vakillaridir. Ular kelib chiqishi bo‘yicha aralash bo‘lsada, har bir
tizimning ichida, ularning o‘ziga xos bo‘lgan xarakterli tipi va etarli darajada
yuzaga chiqqan mustahkam irsiy belgilariga ega. Uchinchi bosqichda
chatishtirishning asosiy vazifalari quyidagilardir: alohida tizimlar yaratish, yaxlit
zot strukturasini tashkil qilish, yaqin qarindoshli urchitishning avj olib ketishiga
barham berish, zot guruhiga mansub chorva mollari bosh sonini ko‘paytirish va
ularni zot darajasiga olib chiqish talab etiladi.
Yaqin qarindoshli urchitish oqibatida gomozigotalik darajasining ortib
ketishiga barham berish uchun quyidagi tadbirlarni amalga oshirish zarur bo‘ladi:
birinchi tizimdagi ona mollarni uchinchi tizimga mansub erkak mollar bilan
urchitish kerak, ikkinchi tizimdagi ona mollar – to‘rtinchi tizimdagi erkak mollar
bilan, beshinchi tizimdagi ona mollar – oltinchi tizimdagi erkak mollar bilan
urchitiladi va h.k. Birinchi va uchinchi tizimdagi mollarni urchitishdan olingan
avlodlar, o‘z navbatida, ikkinchi va to‘rtinchi yoki beshinchi va oltinchi tizimdagi
hayvonlarni urchitishdan olingan avlodlar bilan urchitiladi va.h.k. Shunday qilib,
bir necha bo‘g‘in davomida bir-biriga qarindosh bo‘lmagan har xil tizimdagi
hayvonlarni o‘zaro urchitilishi natijasida yaqin qarindoshli urchitish va uning
salbiy oqibatlaridan batomom soqit bo‘lish mumkin.
110
Duragaylash usulini hayvonlar selkesiyasida qo‘llash
