Azərbaycan respublikasi əlyazması hüququnda XX əsrdə naxçivanda əDƏBİ TƏNQİDİN İNKİŞaf yolu
Yüklə 1,63 Mb. Pdf görüntüsü
|
|
”Xalq şairi
Məmnəd Araz” albom-monoqrafiyasında özünü qabarıq şəkildə göstərən müəllif duyumu və intuisiyası, faktların məntiqi ardıcıllığı prinsipinin qanunauyğunluğuna ciddi riayət İsa Həbibbəyli yaradıcılığının məziyyətlərindəndir”. X.Kərimlinin 106 Türkiyədə çıxmış “Mənəvi varisliyin işığı” məqaləsi (“Böyük gələcək”, 1998, № 10) isə İ.Həbibbəylinin “Cəlil Məmmədquluzadə: mühiti və müasirləri” (Bakı: Azərnəşr, 1997) adlı monoqrafiyasına həsr olunmuşdur. Resenziyada həmin kitab son dövr ədəbiyyatşünaslığımızda milli ideologiya əsasında, yeni təfəkkür işığında yaranan möhtəşəm tədqiqat kimi qiymətləndirilmişdir. Tədqiqatda Mirzə Cəlilin ömür və sənət yolu, mühiti, müasirləri, yaradıcılıq axtarışları ilə bağlı çoxsaylı yeni aşkarlanmış materiallara istinad olunması da resenziyada diqqətə çatdırılmışdır. Dosent Hikmət Mehdinin (Mehdiyevin) “Söz sehrinin salnaməsi” məqaləsi də [163] İsa Həbibbəylinin “Xalq şairi Məmməd Araz” albom-monoqrafiyası (1999) barədədir. Məqalə müəllifinin haqlı qənaətinə görə, bu kitabda Məmməd Arazın mühiti, müasirləri, yaradıcılığının ideya-bədii məziyyətləri haqqında İ.Həbibbəylinin araşdırmalarının ifadəsi ilə yanaşı, bədii nümunələrin və fotoşəkillərin sistematik təqdimi bütövlükdə şair barədə dolğun təəssürat yaradır. Aşkar görünür ki, “İsa Həbibbəyli İstiqlal şairinin taleyini, deyimini, özünəməxsus poetik duyumunu, həyatını və şəxsiyyətini öyrənmiş”, nəticədə dəyərli bir nəşr ərsəyə gətirmişdir. Deyilənlər göstərir ki, XX əsrin ikinci yarısından etibarən Naxçıvanda ədəbi tənqidin yeni yaranmış ədəbiyyatşünaslıq əsərlərinə münasibət ifadə edən istiqaməti də təşəkkül tapıb formalaşmış, zəngin, çoxşaxəli inkişaf yolu keçmiş, bu yüksəliş 1980-1990-cı illərdə daha geniş vüsət almışdır. Çoxsaylı ədəbi-tənqidi materiallardan seçib araşdırmaya cəlb etdiyimiz materiallar da bunu yəqinləşdirir. |