Азярбайжан республикасы дахили ишляр назирлийи
Adətin qanunla nisbəti özünü aşağıdakı kimi göstərir
Yüklə 268,16 Kb. Pdf görüntüsü
|
|
Adətin qanunla nisbəti özünü aşağıdakı kimi göstərir:
1) qanundan kənar adət; 2) qanun və adət; 3) qanunazidd adət. Hüquq və dini normalar. Dinin təyinatı insana bu və ya digər şəkildə yaşadığı aləmə alışmaq və dünyada öz yerini tapmağa imkan verən «mənalar»ın hazırlanmasıdır. Bu nöqteyi-nəzərdən, din yaxşı davranışın mizan-tərəzisidir. Müxtəlif inancların yaratdığı və bu və ya digər dinə itaət edənlər üçün məcburi məna daşıyan dini normalar sosial normaların bir növüdür. Zahirən bu normalar hüquqi göstərişlərlə oxşarlığa (forma və məzmunca) malikdir. Onlar Tövrat, İncil və Quranda və s. əksini taparaq sənədləşmişdir. Bəzi hallarda hüququn mənbələri də olurlar ( müsəlman dövlətlərini, kontinental Avropanın bəzi dövlətlərini, o c ümlədən kilsə-kanonik hüququn milli hüquq sisteminin bir hissəsinə çevrildiyi Almaniyanı belə illüstrasiyalar kimi göstərə bilərik). Eyni zamanda hüquqla din arasında prinsipial fərqlər mövcuddur. İctimai həyatın sekulyarizasiyası (dünyəviləşdirilməsi), vicdan azadlığının təsdiqlənməsi, artıq dini normaların fəaliyyətinin dairəsinin daralması deməkdir. Bundan başqa, məsələn, Tövratın göstərişləri yalnız iudaizm ardıcıllarına aiddir, Quran normaları isə müsəlmanlara və s. Din və hüququn təsir mexanizmləri də müxtəlifdir. Məsələn, dinlər müqəddəs kitablarında özlərinin davranış məcəllələrindəki mütləq göstərişləri Allaha, yaxud filosoflar və ilahiyyatçıların təbirincə, «dünyanın transedental başlanğıcı»na istinadla əsaslandırırlar. Hüququn dinə təsiri müəyyən mənada yetərincə spesifikdir. Vicdan azadlığı haqqında qanun vicdan və din azadlığına, məzhəblərin bərabərliyinə və s. təminat verir. Eyni zamanda hüquq dindən müəyyən |