SINDROM (yun.
syndrome - qo‗shilish) — kasallikning muayyan alomatlari;
to‗planish, narsalarning birlashuvi.
SINF — bir xil hayotiy imkoniyatlarga, manfaatlarga va qadriyatiy yo‗nalishlarga
ega odamlar guruhi bo‗lib, iqtisodiy ahvolining umumiyligi ularni bir-biridan farqlaydi
va sinfiy ihtiloflar imkonini yaratadi. S.lar daromad miqdori, kasbning nufuzliligi, bilimi,
hokimiyatga ta‘siri darajasiga ko‗ra belgilanuvchi, ijtimoiy maqomi taxminan bir xil
bo‗lgan odamlar guruhi hisoblanadi.
SINOD (gr.
synodos - yig‗ilish, majlis) — ba‘zi cherkovlar tarkibidagi maslahat
yoki ma‘muriy organ. Cherkov ierarxiyasida odatda yuqori lavozimlarni egallovchi
shaxslar jamoasidir. Rus provaslav cherkovida patriarx huzuridagi, katolik cherkovida
rim papasi huzuridagi maslahat organi.
SINTEZ (gr. birlashish, uyg‗unlik) — predmetni bir butunlikda, qismlarining
o‗zaro aloqadorligi va yaxlitligida o‗rganish usuli, tahlil bilan bog‗liq.
SINXUA (―Yangi Xitoy‖) — XXRning davlat axborot agentligi. 1938-yilda Yanan
shahrida Xitoy KP axborot agentligi sifatida tashkil topgan. 1940-yildan Pekinda
joylashgan. Mamlakat matbuoti, televidenie va radiosiga mamlakat va xorij hayotiga oid
turli mazmundagi xabar va ma‘lumotlar yetkazib beradi. Ayni paytda turli mazmundagi
axborot, ma‘lumotlarni xorijga tarqatadi.
SIONIZM (Quddusdagi Sion tepaligi nomidan olingan; Bibliya rivoyatlariga ko‗ra,
bu erda Dovud podshoning qarorgohi va xudo Yaxvaning uyi bo‗lgan) — yahudiy xalqi
manfaatlarini ifodalaydigan va himoya qilishni da‘vo qiladigan g‗oyaviy, ilmiy va
siyosiy harakat. Yahudiylarni Falastinga kelishini rag‗batlantirish va u yerda yahudiylar
davlatini tuzish orqali yahudiylarning o‗z-o‗zini anglashini tiklashga qaratilgan mafkura.
Unga ko‗ra butun dunyo yahudiylari jahon millatini tashkil etadi, unga tarixiy va
ilohiylik xos va hakazo. XIX asr oxirida vujudga kelgan. 1948-yildan keyin Isroilni
dunyo miqyosida har tomonlama qo‗llab-quvvatlashga mo‗ljallangan. Sotsialistik va
liberal oqimlardan tortib to shovinistik ruhda bo‗lgan bir qancha oqimlarni o‗z ichiga
oladi. Sionistik tashkilotlar 60 dan ortiq mamlakatda ish olib boradi. Yetakchisi - Jahon
sionistlar tashkiloti (1897 y.da tuzilgan), qarorgohi Isroil va AQSHda joylashgan.
