Mikrobiologiya va immunologiya

14-masala.
Bemor balg‘ami bo‘yalgan surtmasida Siz rangsiz o‘ralgan zonali 
diplokokklarni aniqladingiz. Diplokokklar va boshqa bakteriyalarni bu tarkibiy 
qismi qanday nomlanadi? 
15-masala.
Silga gumon qilingan bemorning balg‘amidan tayyorlangan surtmada, 
Siz nozik qizil rangdagi tayoqchalarni, ko‘k tayoqchalar va ko‘p kokklarni 
aniqladingiz. 
1. Qaysi bo‘yash usuli qo‘llanilgan?

---

24 
2. Balg‘amda sil tayoqchalar aniqlandimi?
3. Ha bo‘lsa, unda ular qanday rangga bo‘yalgan?
16-masala.
Surtmada Siz qizil, dumaloq, terminal joylashgan hosilali ko‘k 
tayoqchalarni aniqladingiz.
1. Bu hosila qanday nomlanadi?
2. Bakteriyalarda ular qanday vazifani bajaradi?
3. Qaysi bo‘yash usuli qo‘llanilgan?
17-masala.
Hujayrada gensianviolet bo‘yog‘ini ushlanib qolish xususiyatiga ko‘ra 
bakteriyalarni farqlashni hohlaysiz. Qaysi bo‘yash usulini qo‘llaysiz? 
18-masala.
Uzoq antibiotikoterapiya kursini o‘tayotgan bemorning, og‘iz 
bo‘shlig‘i shillig‘i pardasidan tayyorlangan surtmani, mikroskop ostida ko‘rilganda 
bitta-bitta, juft yoki kalta zanjir ko‘rinishida joylashgan, yirik ovalsimon va 
uzunchoq mikroorganizmlarni aniqladik. 
1.Mikroorganizmlarni qaysi guruhiga ularni kiritish mumkin 
2. Ushbu kasallikni kelib chiqish sababi?
19-masala.
“Ezilgan tomchi” preparatida septali mitseliy, konidiyali septasiz 
konidiyatashib yuruvchi va o‘simliklarga suv sepadigan idishdan tushayotgan 
suvni eslatuvchi ekzosporalari bor zamburug‘lar aniqlandi. 
1.Zamburug‘ni qaysi urug‘ga tegishliligini aniqlang.
20-masala.
“Ezilgan tomchi” preparatida septasiz mitseliy, boshcha ko‘rinishidagi 
sporongiyalari bo‘lgan, septasiz sporangiya tashib yuruvchilari bor, endosporalar 
saqlovchi zamburug‘lar aniqlandi. 
1. Zamburug‘ni qaysi urug‘ga tegishliligini aniqlang.
21-masala.
“Ezilgan tomchi” preparatida septali mitseliy, konidiyalar va 
mo‘yqalamga o‘xshash bo‘lgan septali konidiya tashib yuruvchi zamburug‘lar 
aniqlandi.