Peşə təhsilində karyera məsləhəti xidməti: Almaniya təcrübəsi

2. Həyata keçirilmiş proqram və layihələr 
Karyera məsləhətində cari layihələr məktəblərin və biznesin daha çox cəlb edilməsinə 
fokuslanıb. 
2003-2005-ci illərdə Federal Peşə Təhsili və Tədrisi İnstitutu (BIBB) tərəfindən “Karyera 
məktəbdən başlayır – tələbələr üçün müəssisələrdə iş təcrübəsinin əhəmiyyəti” adlı tədqiqat 

---

layihəsi çərçivəsində iş təcrübəsi müddətinin imkanlarını və məhdudiyyətlərini araşdırıb. Bu 
layihədə 9-cu və 10-cu sinif şagirdləri (Almaniyada məktəblərin bir çoxunda orta təhsil 12, 
gimnaziyalarda 13 ildir) müəssisələrdə iş təcrübəsinin hazırlanmasına, həyata keçirilməsinə və 
sonrakı qiymətləndirilməsinə dair yazılı sorğu anketini doldurublar. Səfər edilən məktəblərin 
ərazisinə düşən müəssisələrdə çalışan peşə müəllimlərindən və təlim heyətindən də müsahibələr 
götürülüb. Nəticələr göstərir ki, gənclərin təxminən 40%-i məktəbi tərk edərkən hələ də xüsusi bir 
peşə ilə məşğul olmaq kimi arzusu olmur. Buna görə də karyera məsləhəti xidmətinin ümumi plana 
daha tez daxil olunması məqsədəuyğundur. Bu layihənin nəticələrinə əsasən, BIBB hazırda 
məktəblər arasında iş təcrübəsiylə bağlı informasiya axınını təmin etmək üçün veb platforma 
dizayn edir [4]. 
1999-2007-ci illər arasında Federal Təhsil və Tədqiqat Nazirliyi (BMBF) tərəfindən gənclər 
üçün karyera məsləhətini daha da innovativ, transfer oluna bilən etmək üçün “Məktəb – biznes / 
iş həyatı” (Schule – Wirtschaft/Arbeitsleben) proqramı həyata keçirilib. Bu proqramın gedişində 
aşağıdakı layihələri maliyyələşdirmək üçün ümumilikdə 30 milyon avro ayrılıb: 

Müəllimlərin, tələbələrin, valideynlərin və müəssisələrin yeni peşə və təlim imkanları 
ilə bağlı məlumat çatışmazlığını aradan qaldırmaq; 

Orta məktəblərlə təlim müəssisələrindəki partnyorlar, ticarət birlikləri, ali təhsil 
institutları və peşə məktəbləri arasındakı əməkdaşlığın yeni formalarını inkişaf 
etdirmək və möhkəmləndirmək; 

Perspektivli gələcəyi olan yüksək innovativ sənaye sahələrini proqrama cəlb etmək; 

Zəif infrastrukturu olan ərazilərdəkilər də daxil olmaqla, tələbələri alternativ təlim 
yollarından xəbərdar etmək; 

Aztəminatlı tələbələrə onların təlim almaq perspektivlərini yaxşılaşdırmaq üçün xüsusi 
yardım göstərmək; 

Məktəbdə təlimçilərin və müəllimlərin peşə təlimi sahəsində öz bacarıqlarını inkişaf 
etdirməsi üçün yeni media və kompüter texnologiyalarını müstəqil öyrənməyə açıq 
hala gətirmək. 
Proqram 1999-cu ilin payızında başlayandan bəri bütün Landlarda (Almaniya inzibati ərazi 
bölgüsünə görə 16 federal torpaqdan – “Land”dan ibarətdir) ümumilikdə 46 layihə 
maliyyələşdirilib [5].