Növlərin kökünün kəsilməsi - növlərin və digər
taksononmik qrup orqanizmlərinin sayının əkamül prosesində
və ya insan fəaliyyəti nəticəsində köklərinin kəsilməsi
həddinə qədər azalması.
Nüvə silahının yayılmaması haqqında Müqavilə - 1968-ci
il iyulun 1-də Moskvada SSRİ, ABŞ və İngiltərə arasında
imzalanmışdır. Müqaviləyə görə, bu ölkələr öz üzərlərinə
nüvə silahını və ya onun komponentlərini, həmçinin onun
istehsal texnologiyalarını digər dövlətlərə verməmək barədə
öhdəliklər götürmüşlər.
Orta və yaxın mənzilli raketlər haqqında Müqavilə - 1987-ci il dekabrın 7-də SSRİ və ABŞ rəhbərləri tərəfindən
imzalanmışdır. İlk dəfə olaraq hücum silahları dərəcəsinə aid
olan xeyli miqdarda raketin real məhvinə yol açmışdır.
Ozon deşikləri – atmosferin ozon təbəqəsində ozonun
miqdarının xeyli aşağı düşdüyü (50 %-ə qədər) böyük
sahələr. Ozon deşikləri orqanizmə zərərli təsr göstərən
ultrabənövşəyi şüalanmanın səviyyəsinin qalxmasına səbəb
olur.
