Microsoft Word etno kitab son srift 12

ETNOPSİXOLOGİYA 
313 
Slovaklar bir-birilə salamlaşarkən əl verib görüşməkdənsə bir 
və ya iki dəfə üzdən öpməyi daha üstün tuturlar. Bu onlarda 
yaxınlıq münasibətini göstərməkdən irəli gəlir. Lakin yenə də 
kişilərin bir-birilə görüşərkən, qadınlara nisbətən daha çox əl verib 
görüşdükləri məlumdur. Burada hansısa cinsi fərqləndirməkdən söz 
gedə bilməz.
Slovaklar olduqca çox qonaqpərvər və sülhsevər xalqdır. 
Günorta yeməyi onlar üçün əsas yemək vaxtı hesab olunduğundan 
süfrəyə bir neçə yemək və içki qoymağı sevirlər. Qonağın ilk dəfə 
çağırıldığı evə gedərkən əlində gül dəstəsi, şərab və ya hansısa 
hədiyyə aparması hörmət əlaməti kimi qəbul edilir. Lakin, pul 
verilməsi hörmətsizlik kimi qəbul edilir. Bir qədər təəccübli olsa 
da, restoranda qonağın ailəsi ilə birlikdə yemək yeyilən vaxt ödəniş 
çekinin götürülməsi onlarda adətdir. Ümumiyyətlə slovaklar 
israfçılığı sevmirlər. 
Slovakiyada valideynlər, xüsusilə atalar üçün övlad ilə nə 
qədər çox vaxt keçirdisə, onunla nə qədər oyunlar oynayır, 
gəzintiyə çıxırsa bu uşaqlara verilmiş ən yaxşı mirasdır.
Slovaklar mehriban olmaqla yanaşı, eyni zamanda yeni 
tanıdıqları insanlarla dostluq qurmaqdan çəkinirlər. Bu qurulan 
dostluq münasibətində daha çox güvənməyi üstün tutduqlarını 
göstərir. 
Slovakiyanın küçələrində sahibsiz heyvan görmək çox 
çətindir. Çünki, dövlət küçədə qalan bütün sahibsiz heyvanlara 
nəzarət edir. Çox sayda olmasa belə Slovak xalqı evlərində it, pişik 
və ya digər ev heyvanlarını saxlamağı üstün tutur. 
Slovakiyanın milli suvenirləri milli kostyumlarda olan taxta 
kuklalar, büllurdan şüşələr, keramikadan hazırlanmış əşyalar, 
oyulmuş taxta fiqurlar, taxta küpələr, fujaras (xalq musiqi aləti), 
dekorativ milli yumurtalar və s. xalqın etnik adət-ənənəsini özündə 
əks etdirən əşyalar hesab olunur. Slovaklar öz tarixi keçmişinə 
verdikləri qiymətdən asılı olaraq, tarixi binaların qorunmasına qarşı 
yüksək həssaslıq göstərirlər. Slovakiyada taxta ev nümunələrini ən 
yaxşı halda Vikolinec kəndində görmək mümkündür. Lakin ölkənin 

---