FOTOREZİSTORLAR Fotorezistorlar EDK olmayan, işıq selinin təsiri ilə müqavimətini dəyişən yarımkeçirici cihazlardır. Fotorezistorlara işıq enerjisi təsir edəndə ondakı yarımkeçiricidə əlavə yükdaşıyıcılar – deşiklər və
elektronlar – yaranır, yəni əlavə keçiricilik əmələ gəlir və onun müqaviməti azalır. Buna yarımkeçiricinin
fotokeçiriciliyi deyilir.Yarımkeçiricinin daxilində sərbəst elektronların yaranması üçün az enerji tələb
olunduğundan fotorezistorun həssaslığı böyükdür. Fotorezistorlarda bismutun, kadmiumun, qurğuşunun
kükürdlü və selenli birləşmələri istifadə olunur. Fotorezistor dielektrik altlıq (şüşə) 1 üzərinə çəkilmiş
fotohəssas yarımkeçirici plastinkadan (və ya plyonkadan) 2 ibarətdir. Fotorezistoru elektrik dövrəsinə
qoşmaqdan ötəri plastinkadan metal cıxış ucları 3 çıxarilir və o pəncərəsi olan plastmas korpusda
yerləşdirilib. Əgər fotohəssas plastinkanın ucları arasına e.h.q.-si mənbəyi birləşdirilərsə, dövrədən bir
neçə mikroamperdən çox olmayan kiçik cərəyan axar. Bu cərəyana qaranlıq cərəyan ( ) deyilir.
Qaranlıq cərəyan yarımkeçirici - plastinkada bir qədər sərbəst elektronların olması ilə izah olunur.
Fotorezistora işıq düşdükdə elektromaqnit şüalanmasının kvantları elektronları həyacanlandırır və onları
valent zonadan keçiricilik zonasına keçirərək dövrədən axan cərəyanı əhəmiyyətli dərəcədə artırır.
Ümumi cərəyanla qaranlıq cərəyan arasındakı fərqə fotocərəyan deyilir. Fotorezistorların üstünlükləri kiçik ölçülərə, yüksək həssaslığa və hüdudsuz işləmə müddətinə malik
olmasıdır. Onların çatışmazlığına qaranlıq cərəyanın olması, xarakteristikalarının qeyri-xəttiliyi, işinin
temperaturdan
aslılığı,
ətalətliliyi və s.
daxildir
