F. Köçərli adına Respublika Uşaq Kitabxanası Xalqa aşırımın o üzündəki həqiqəti

Yubiley tədbirləri
Fərman Kərimzadənin
 
anadan olmasının 80 illiyi 
münasibətlə respublikanın mədəniyyət müəssisələrində, eyni 
zamanda kitabxanalarda yubiley tədbirlərinin keçirilməsi 
nəzərdə tutulmuşdur. Bu tədbirlər arasında sərgilər mühüm yer 
tutur. Sərgidə yazıçının kitabları, müxtəlif mətbuat 
səhifələrində onun haqqında nəşr olunmuş məqalələr, 
yazıçıların fotoları nümayiş olunur. Sərginin təşkili zamanı 
görkəmli şəxsiyyətlərin yazıçı haqqında söylədiyi kəlamlardan 
da istifadə etmək olar.
 
 
 
 
 
 

---

7 
Görkəmli şəxsiyyətlərin Fərman Kərimzadə 
haqqında söylədikləri fikirlər: 
Fərman Kərimzadə son dərəcə sadə, təmiz, geniş ürəkli, böyük 
naturalı bir adam idi. O, azərbaycanlı xarakterinin mahir 
yaradıcısı, əsl vətəndaş kimi Azərbaycan namusunun bir 
parçası idi 
Sabir Rüstəmxanlı,
Xalq şairi.
 
Fərman Kərimzadə hadisələrin məntiqini tutmağı, obrazların 
mənəvi-psixoloji aləmini aydın cizgilərlə əks etdirməyi bacaran 
sənətkardır. O, sənətkar kimi də, şəxsiyyət kimi də vaxtdan 
ucada dayanmağı bacardı. 
Qəzənfər Paşayev, 
Professor 
 
Fərman Kərimzadənin tarixi romanları çağdaş Azərbaycan 
nəsrində janrın potensial imkanlarının genişliyini sübut edirdi. 
Onu bir yazıçı kimi şöhrətləndirən də onun tarixi romanları 
olmuşdur. 
Yavuz Axundlu, 
Filologiya elmləri doktoru
 
Fərman Kərimzadənin “Qarlı aşırım”ı ölüm, qorxaqlıq və 
onların hər ikisindən ucada duran insan və onun ləyaqəti 
barədə ibrətli hekayədir. Konkret inqilabi-tarixi motiv burada 
məhz ümumbəşəri əxlaq və mənəviyyat problemi səviyyəsinə 
qalxa bilir. 
Yaşar Qarayev, 
Professor 
 

---

8 
  Bütün ağlı, insanlığı, mənəvi gözəlliyi ilə Allah Fərmanı 
xoşbəxt yaratmışdı. Fərman Kərimzadə həyatı ədəbiyyata 
gətirdiyindən yaradıcılığında obrazlar qalereyası da olduqca 
real və zəngindir. Fərman Kərimzadənin ictimai-siyasi və 
pedoqoji 
fəaliyyəti 
ilə 
ədəbi 
yaradıcılığı 
bir-birini 
tamamlayırdı.
İlyas Tapdıq,
 Şair 
 
Fərman rəssam təfəkkürü, şair zərifliyi ilə nəsrimizə bir şirinlik 
gətirdi. 1967-ci ildə çap olunmuş “Qarlı aşırım” onun yazıçı is-
tedadını, ümidverici və gələcəkli bir nasir kimi yetişdiyini üzə 
çıxardı. 
 Musa Yaqub, 
Şair 
 
Fərman Kərimzadənin hər əsəri bir insan dünyasıdır. Onun 
əsərləri kino sənəti üçün zəngin material verir. Fərman 
Kərimzadə ölümsüzlüyün zirvəsinə ucalan və milyonların 
qəlbində əbədi yaşayan sənətkardır.