Antenatal qulluq

VI gəliş (38-ci həftədə) 
► 
məsləhətvermə (C) Əlavə №1; 
► 
arterial təzyiqin ölçülməsi, nəbzin sayılması (C) Əlavə №2; 
► 
uşaqlıq dibinin hündürlüyünün ölçülməsi (qravidoqramma) 
(A) Əlavə №4;
► 
dölün vəziyyətinin və gələcək hissəsinin təyini üçün qarnın 
palpasiyası. Dölün çanaq gəlişi zamanı doğuşun aparılma 
taktikasının müəyyən olunması (mamalıq vəziyyətindən asılı 
olaraq hamiləliyin cərrahi və ya təbii yolla başa 
çatdırılmasının proqnozlaşdırılması) Əlavə №4; 
► 
auskultasiya – dölün ürək döyüntülərinə qulaq asılması (D); 
► 
sidiyin ümumi analizi – proteinuriya (C), bakteriuriya (A) 
VII gəliş (40-cı həftədə) 
► 
məsləhətvermə (C) Əlavə №1; 
► 
arterial təzyiqin ölçülməsi, nəbzin sayılması (C) Əlavə №2; 
► 
uşaqlıq dibinin hündürlüyünün ölçülməsi (qravidoqramma) 
(A) Əlavə №4; 
► 
auskultasiya – dölün ürəkdöyüntülərinə qulaq asılması (D); 
► 
sidiyin ümumi analizi – proteinuriya (C), bakteriuriya (A) 
Əgər bu müddətdə doğuş baş verməyibsə növbəti gəliş 1 həftədən 
sonraya təyin olunur. 42-ci həftədə hamilə qadın doğuşun induksiyası 
üçün stasionara göndərilir. 

---

10
Əlavə №1 
 
Antenatal xidmət müəssisələrində tibb işçilərinin 
məsləhətvermə səriştəsi 
 
Məsləhətvermə dedikdə, məsləhət üçün müraciət edən şəxsin 
hisslərini, hissiyyatını, tələblərini və ehtiyaclarını nəzərə almaqla onun 
məlumatlı qərar qəbul etməsinə yönəldilmiş ünsiyyət nəzərdə tutulur. 
Məsləhətvermə fərdi olaraq bir şəxslə və ya qrupla aparıla bilər. 
Qərarı tibb işçisi deyil, ailə cütlüyü qəbul etməlidir. Ailəyə 
məsləhətvermə fərdi məsləhətvermənin bir növüdür. 
Tibb işçisi ünsiyyət qurmaq və məsləhətvermə bacarığına malik 
olmalıdır. Ünsiyyət davranışın pozitiv dəyişmə prosesinin vacib 
komponentidir. 
Məsləhətvermə zamanı qərarı qadının özü qəbul edir və bu qərar 
onun məlumatlılığına əsaslanır. 
Tibb işçisi qadına düzgün məlumatı tam şəkildə çatdırmalı, qadının 
əvəzinə bu və ya digər xidmət və ya müayinə metoduna üstünlük 
verməklə seçim etməməlidir. Seçim qadının özü tərəfindən edilməlidir.