Uyushmasi rustаm musurmon

MUHАBBАT
Bilmayman sariqmi, qorami, 
Аniqlab bo‘lmaydi elini. 
Yuragi qo‘shaloq bo‘ladi, 
Oshiqlar tushunar tilini. 
Tentirar keng ko‘cha-ko‘ylarda, 
Baribir hech qayga sig‘maydi. 
Gohida tushib ne ko‘ylarga 
Yig‘laydi, yig‘laydi, yig‘laydi. 
Ko‘zidan ketadi madori, 
Qo‘rqasan yuziga qarashga.
Ko‘rmadim uningday gadoni, 
Or qilar sadaqa so‘rashga. 
www.ziyouz.com kutubxonasi

---

Rustаm MUSURMON
46
* * * 
Ko‘kragimga mushtlaydi birov, 
Mushtlayverar ichkarisidan: 
– Nima bo‘ldi, ochingizlar-ov,
Bu vujudning tashqarisida?! 
Haqiqatni aytaman og‘ir,
Og‘ir mushtlar tushar siynamga. 
O‘zimdan ham qiyinroq, axir, 
Ichimdagi jabrdiydaga. 
– Bandim, meni mushtlayver, yig‘lab,
Qattiqroq chek afsus, nadomat.
Xuddi sendek birovni bog‘lab, 
Olib ketdi bir sarviqomat… 
www.ziyouz.com kutubxonasi

---

BOZBАRАK
47
DАRVISH
Dedi: “Gar kashkulingda 
Dinor yo‘qdir, qalandar, 
Quvonursan, kulursan – 
Ko‘ngling to‘qdir, qalandar?!” 
Dedimki: “Bexabarsan, 
Kashkulimga, jonona, 
Ul ikki ko‘z – qo‘sh dinor 
Tashlab o‘tdi pinhona”. 
Dediki: “Gar boshingda 
Panoh yo‘qdur, qalandar, 
Quvonursan, kulursan – 
Ko‘ngling to‘qdir, qalandar?!” 
Dedim: “Shukur, mening ham 
Panohim bor, jonona – 
Muhabbat bor boshimda, 
Ilohim bor, jonona”. 
Dedi: “Qayga ketursan?” 
Dedim: “Yorga yeturman”. 
www.ziyouz.com kutubxonasi

---

Rustаm MUSURMON
48
* * * 
Yolg‘iz senga aytmoq bo‘lgan gaplarim 
Qo‘shiq bo‘lib “Bahor valsi”da yangrar. 
Yurakda limmo-lim to‘lgan dardlarim 
Gulparast bulbulning bo‘g‘zida ingrar. 
Sargardon gadodek qo‘llarin cho‘zib, 
Muhabbatim sendan tilar sadaqa – 
Uning nigohidan ko‘zlaring uzib, 
Mehring xazinasidan bermaysan chaqa. 
Xanjar sanchib asov yurakkinamga, 
Bo‘yashga rang olding tirnoqlar uchun. 
Xudo seni olov quchoqqinamga 
Surgun qilsin o‘sha gunohlar uchun. 
www.ziyouz.com kutubxonasi

---

BOZBАRАK
49