Uyushmasi rustаm musurmon

YUZMА-YUZ
Tabiat yoz-qishda, 
Bahor-kuzda ham 
Menga bo‘lmaydir 
Аslo mo‘tadil. 
Oh, yana boshlandi 
Mehrsiz iqlim, 
Oh-h, sov-vuqq 
Joo-on-jonimdan o‘tadir. 
Faqirgina ruhim, 
Zorgina ruhim… 
Titragay, 
Libosim juda ham yengil – 
Ko‘ngilchanman… 
Аxir, 
Shul bor-u yo‘g‘im – 
Ishqdan pora bo‘lgan 
Bir janda ko‘ngil. 
www.ziyouz.com kutubxonasi

---

Rustаm MUSURMON
66
BOZBАRАK
Hech kim yer sharini ko‘tarolmasmish,
Tayanch nuqtasini topmasmish, biroq
Mening bir qo‘limda zamin chirpirak,
Barmog‘im uchida aylanar falak –
Bozbarak…
Bozbarak... 
Bozbarak... 
Tugma qadab bo‘lmas emish shamolga,
Tutqich bermas emish hech kimga, biroq
Men esa shamolning ikki betiga
Tortib yuborganman ikki shapaloq –
Bozbarak…
Bozbarak... 
Bozbarak... 
Hech kim ucholmasmish oyog‘i bilan,
Parvoz qilolmasmish osmonga, biroq
Mening oyog‘imda tolmas qanot bor,
Mening oyog‘imga joylangan yurak – 
Bozbarak…
Bozbarak... 
Bozbarak... 
www.ziyouz.com kutubxonasi

---

BOZBАRАK
67
Umr daryosidan kechdi bolalik,
Shul daryo girdida qolgan charxpalak.
Qamishday bo‘yimga qo‘ngan ninachi,
Gulday hayotimdan uchgan kapalak – 
Bozbarak…
Bozbarak... 
Bozbarak... 
www.ziyouz.com kutubxonasi

---

Rustаm MUSURMON
68
NILUFАR GULDАSTА
turkum
CHORLOV
Chaqiraman bor ovoz bilan:
“Nilufar-uv, hoy, Nilufar-uv!”
Chiqa qolgin, gulim, noz bilan,
Hamma yoq tinch quygan kabi suv.
Аyriliqdan ezilgan yurak
Seni qo‘msab chalayotir nay.
Diydoringni ko‘rishim kerak,
Kelaqolgin, jonim, aylanay! 
Chaqiraman bo‘tadek bo‘zlab:
“Nilufar-uv, hoy, Nilufar-uv...”
Qulog‘imga yoqimli so‘zlab,
Yuragimning armonlarin yuv.
Yelkamdagi farishta chorlar:
“Nilufar-uv, hoy, Nilufar-uv!” 
Xilvatga kel, yulduzlar porlar,
Nur sochar oy sen kabi suluv. 
Sevgi – gulxan, ishq – nurli chechak,
Ishq olovin o‘chirolmas suv.
Seni juda sog‘indi yurak:
“Nilufar-uv, hoy, Nilufar-uv!” 
www.ziyouz.com kutubxonasi

---

BOZBАRАK
69
NILUFАR
Yerga emas, suvga otgansan ildiz,
Nilufar, sut kabi oppoqsan, oqsan.
Ko‘kdan tushib, suvda porlagan yulduz,
Ko‘zim qamashadi husningga boqsam,
Nilufar – oq bilak, oq badan, oq to‘sh,
Go‘yo tiniq suvda cho‘milayotgan qiz.
Qushdek uchib ketar xayol, aql-hush,
Ruhim ko‘piradi misoli dengiz.
Yuragim ishqingda eridi, suluv,
Tuyg‘ularim – daryo, ko‘z yoshlarim – ko‘l.
Nilufarga zarur, axir, tiniq suv,
Men toza suv bo‘ldim, sen nilufar bo‘l.
Nilufar yaprog‘i suvga sochilar,
Suv tubida turar poyasi qalqib.
Biroq u osmonga qarab ochilar,
Tabassum qiladi osmonga balqib.
Sen ham nilufardek, mayli, ko‘kka boq,
Husn-u jamolingdan yog‘iladi nur.
Menga hech qayrilib qarama, biroq
Doim ochilib tur, gulim, kulib tur. 
www.ziyouz.com kutubxonasi

---

Rustаm MUSURMON
70