See discussions, stats, and author profiles for this publication at

Maqsad: oʻz baho mehyorlarini va ichki ustanovkalarini anglash, va ular 
toʻgʻrisida guruh ahzolariga axborot berish. 
3. «Ola qargʻa» – Qatnashchilar orasidan boshlovchi tanlanadi. U biror-bir 
xatti-harakatni namoyish etadi (masalan: oʻynaydi, jahli chiqadi, kuladi va 
hokazolar). Boshqalar unga butunlay teskari xatti-harakatni amalga oshirishlari 
kerak. Keyin esa boshlovchi almashinadi. 
Maqsad: Har bir xatti-harakatning teskari, qarama-qarshi tomoni borligini his 
etish, koʻpchilik fikriga qarshi chiqa olish qobiliyati talab etiladigan vaziyatlarda oʻz 
xatti-harakatlari analizi. 
4. «Dialog» – Guruhning ikki qatnashchisiga oʻzaro dialog vaziyatida ikki xil 
vazifa, maqsad qoʻyiladi. Ulardan biri ikkinchisini biror- bir narsaga (Masalan: 
uning uyiga kelish; unga kitob javonini tuzatishga, vazifani bajarishga, koʻylak 
tikishga yordam berish va hokazolarga) koʻndirishga, ikkinchisi esa unga yordam 
berishni butunlay rad etishga harakat qiladi. SHu bilan birga ular suhbat davomida 
axloq mehyorlari doirasidan chiqmasliklari, oʻz xoxishlarini ishonchli dalillashlar 
asosida bayon etishlari lozim boʻladi. Mashq dialog qatnashchilaridan biri 
ikkinchisining fikriga boʻysunmaguncha davom etadi.
Maqsad: oʻz fikr-mulohazalarini, manfaatlarini himoya qila olish malakasini 
shakllantirish, bu sohada oʻzida mavjud vositalarni boyitish, ziddiyatli vaziyatlarda 
oʻz xatti-harakatini boshqara olish. 
5. «Teskari ertak» – Qatnashchilar doira shaklida oʻtirishadi. Ulardan biri 
ertak aytishni boshlaydi, ammo u ertakni oxiridan boshlaydi, masalan, «SHunday 
qilib, ular uzoq va baxtli hayot kechiribdilar». Uning yonida turgan qatnashchi esa 
ungacha boʻlgan voqeani qoʻshib, uning aytganlarini takrorlaydi. Keyingi 
qatnashchi ham ungacha boʻlgan voqeani aytib, oʻzidan oldin aytilganlarni 

---

47 
takrorlaydi. Oxirgi qatnashchi ertakni boshidan oxirigacha aytib berishi kerak 
boʻladi.