Microsoft Word T?bi?td?n istifad?nin huquqi ?saslar?doc

IV. Tahş təbii-təsərrüfat vilayəti 
Bu vilayətə Lənkəran-Astara, Cəlilabad, Lerik-Yardımlı, Peştəsər-Burovar 
kadastr rayonları daxildir. Təbii vilayətin ümumi sahəsi 646,4 min ha olub, 
Azərbaycan ərazisinin 7,5%-ni təşkil edir. Vilayət okean səviyyəsindən - 26,0 və 
2496 m hündürlükdə yerləşir. Buraya çökəkliklər (0 m-ə qədər), düzənliklər (0-200 
m), dağətəkləri (200-500 m), alçaq dağlıqlar (500-1000 m), orta dağlıqlar (1500-2456 
m) daxildir. Vilayət üçün bir sıra kənd təsərrüfatı bitkilərinin, o cümlədən subtropik 
bitkilərin yetişdirilməsi üçün əlverişli şərait xasdır. 
Lənkəran-Astara kadastr rayonu 
Bu rayona Lənkəran, Astara, Masallı rayonlarının düzən və qismən dağətəyi 
torpaqları daxil edilmişdir. Torpaqların ümumi sahəsi 195,1 min ha-dır ki, bu da 
respublika ərazisinin 2,3%-ni təşkil edir. Ərazisinin 32,3 min ha-ı (16,6%) əkin 
sa-hələrinə, 13,2 min ha çoxillik əkmələrə, 1,8 min ha isə otlaqla-ra düşür. Əkin 
sahələri məhduddur. Rütubətli subtropik iqlim tipik subtropik təsərrüfatın inkişafına 
imkan yaradır. Termik şərait burada sitrus bitkilərin, çay, dəfnə yarpağı, feyxoa, 
tərəvəz və s. yetişdirilməsinə imkan verir. 
Bitkilərin vegetasiya dövrü üçün fəal temperaturlar cəmi 4000-4500°, illik 
yağıntılann miqdarı isə 500-1700 mm təşkil edir. Kadastr rayonunun ərazisində 
sarı-dağ-meşə (23%), sarı-qleyləşmiş, podzollu sarı (19,5%) və b. torpaqlar 
yayılmışdır. 
Bu ərazinin mənimsənilməsində əlverişli torpaq-iqlim şəraiti mühüm rol 
oynamışdır. Ancaq Xəzər dənizinin səviyyəsinin yüksəlməsi sahil zonasının bir 

---

hissəsini su altında qo-yaraq, bir çox sosial-iqtisadi obyektlərin batmasına səbəb 
olmuşdur. Bu kadastr rayonu mühüm kənd təsərrüfatı məhsullarının istehsalçısıdır. 
Burada çay istehsalının 61,2%-i, tərəvəz istehsalının isə 59,0%-i cəmlənmişdir. Ölkə 
miqyasında sitrus meyvələrinin (limon, feyxoa, tut və s.) əsas hissəsi burada toplanır. 
Ə
sas sahələri tərəvəzçilik, sitrus meyvəçiliyidir.