Patoloji anatomiya 1 Meyitlərin patoloji-anatomik müayinəsi azərbaycan dilində necə adlanır?

878) Endoservikoz (psevdoeroziya) nədir?

A) Uşaqlıq boynunda selikli qişanın örtük epitelinin tamlığının pozulması (eroziya)

B) Uşaqlıq boynu kanalının selikli və selikaltı qatlarında ağır distrofik və nekrotik dəyişikliklərin meydana çıxması

C) Uşaqlıq boynu kanalına məxsus toxumanın uşaqlıq boynundan kənar üzv və toxumalarda meydana çıxması

D) Uşaqlıq boynunun vaginal hissəsinin səthində çoxqatlı yastı örtük epitelində buynuzlaşma ocaqlarının meydana çıxması (uşaqlıq boynunun prekanserogen patologiyası hesab edilir)

E) Uşaqlıq boynunun vaginal hissəsinin selikli qişasında çoxqatlı yastı epitel əvəzinə uşaqlıq boynu kanalına məxsus təkqatlı prizmatik epitelin meydana çıxması

Ədəbiyyat: Ədalət Həsənov. Patoloji anatomiya. Bakı, 2003.
879) Aşağıdakı hansı dəyişiklik süd vəzlərinin Pecet xəstəliyi üçün xarakter xüsusiyyət hesab edilir?

A) Körpücüküstü limfa düyünlərinə Virxov metastazının olması

B) Çox qısa müddətdə ağ ciyər qapısındakı limfa düyünlərinə metastazların olması (retroqrad metastazlar)

C) Döş giləsi və areolanın ekzematoz (ekzemayabənzər) zədələnməsi

D) Digər süd vəzində döş giləsinin kompensator hipertrofiyası

E) Şiş toxumasında yarpağabənzər (filloid) strukturların olması

Ədəbiyyat: Ədalət Həsənov. Patoloji anatomiya. Bakı, 2003.
880) Aşağıdakı patologiyalardan biri prostat vəzin dishormonal (nodulyar) hiperplaziyasının histoloji formalarına daxil deyil?

A) Fibroz hiperplaziya (və ya stromal hiperplaziya)

B) Qeyri-infiltrativ hiperplaziya

C) Əzələ hiperplaziyası

D) Adenomatoz hiperplaziya (və ya vəzli hiperplaziya)

E) Qarışıq forma hiperplaziya

Ədəbiyyat: Ədalət Həsənov. Patoloji anatomiya. Bakı, 2003.