|
Aralıqtan oqıtıw. Házir tez pát penen rawajlanıp atırǵanlıǵı sebepli búgingi jańalıq erteń eskirip qalıp atır. Sonıń ushın adamzat informaciyalıq texnologiyalardı jarattı. Komp’yuter-bul ápiwayı hám qolay maǵlıwmatlar alıw quralı esaplanadı. Internet sisteması arqalı oqıtıw shólkemlestirilgen mektepler, kolledjler hám basqa oqıw orınları házirgi kúnde rawajlanıp baratırǵan «virtual oqıw orınları»na birlesip atırǵanlıǵın kóriw múmkin. Bul oqıw orınları arasındaǵı aralıqtı qısqartadı hám maǵlıwmatlardıń almasıwın tezletedi.
Aralıqtan oqıtıwda úyretiwshi, sınawshı hám baylanıs quralları kibi texnikalıq qurallar hám texnologiyalar qollanıladı. Úyretiwshi qurallarǵa túsindirme sózlikler, izlew qurılmaları, elektron oqıw qollanbalar, lekciyalardıń videokursı hám basqalar kiredi. Sınaw qurallarına test sawalları, ózin-ózi tekseriw quralları, baylanıs qurallarına-forumlar, pochta, audio hám videokassetalar kiredi.
Aralıqtan oqıtıw bull oqıtıw materialınıń jetkerip beriliwinde, óz betinshe úyreniwde, oqıtıwshı hám oqıwshı arasında maǵlıwmat almasınıwda qollanılatuǵın, dástúriy hám jańa informaciya texnologiyaların hám olardıń texnikalıq quralların keń kólemde isletiwdegi tálimniń sintetikalıq, integral, sociallıq forması esaplanadı. Rawajlanǵan mámleketlerde bull baǵdarda jańa tiptegi oqıw orınları payda bolıp, olar «ashıq», «aralıqtan bilim beriwshi» universitet, «elektron», «virtual» kolledjler dep atala baslandı.
11.2. XXI ásir dúńya tálim sistemasındaǵı global tendenciyalar, pedagogika iliminiń rawajlanıw baǵdarları.
Dúńya bilimlendiriw sistemasındaǵı global tendenciyalar pedagogika iliminiń ózine tán ózgeshelikler menen rawajlanıwına alıp kelmekte. Túrli tarawlar siyaqlı tálim-tárbiya tarawındada úlken ózgerisler, jańalanıwlar júz bermekte. Pedagogika iliminiń jańa tarawları, baǵdarları, jańa koncepciyaları júzege kelmekte.
Dostları ilə paylaş: |
