Cütlərlə iş forması: Şagirdlər təlim tapşırıqlarını birgə yerinə yetirirlər. Bu iş forması şagirdlərə daha yaxından əməkdaşlıq etməyə və eləcə də ünsiyyət qurmağa, məsuliyyəti bölüşdürməyə optimal imkan yaradır.
Müsbət cəhət:
Mənfi cəhəti:
Şagirdlər daha yaxından əməkdaşlıq edir.
Zəif şagirdi ləngidir
Fərdi iş forması: Şagird fəaliyyətini izləmək, potensial imkanlarını müəyyənləşdirmək və inkişaf etdirmək məqsədi daşıyır. Bu təlim forması- şagirdin sərbəst düşünməsi üçün real imkanlar yaradır.
Müsbət cəhəti:
Mənfi cəhəti:
Bir şagirdi mükəmməl öyrətmək və eyni zamanda, onun müsbət və mənfi cəhətini izləmək, mənimsəmənin necə olduğunu bilmək və eləcə də qiymətləndirmək asandır
Artıq vaxt itkisi yaranır.
Fəal dərsin mərhələləri aşağıdakılardır:
Motivasiya - Fəal dərsə motivasiya ilə başlanılır. Yəni müəllim tərəfindən problemin qoyulması, şagird tərəfindən fərziyyələrin irəli sürülməsi deməkdir. Motivasiya şagirddə fəallıq yaradan səbəbdir. Motivasiyanın rolu şagirdi maraqlandırmaq, onun diqqətini cəlb etmək və onu aktiv təlim fəaliyyətinə cəlb etməkdir;
Tədqiqatın təşkili - Müəllim problemin həlli istiqamətində sinfə iş tapşırır. İş cütlərdə, fərdi, bütün siniflə, qruplarda aparıla bilər. Müəllim mövzuya və verəcəyi tapşırığa uyğun iş forması seçməlidir;