Pənah Hüseynov qanunvericilik(BB,BA)

M a d d ə 1 3 8 . Naxçıvan Muxtar Respublikası Ali Məclisinin müəyyən etdiyi ümumi qaydalar(Qanun)

1. 
   Naxçıvan Muxtar Respublikasının Ali Məclisi aşağıdakılara dair ümumi qaydalar müəyyən edir:
   

1. 
   Naxçıvan Muxtar Respublikasının Ali Məclisinə seçkilər;
   
2. 
   vergilər;
   
3. 
   Naxçıvan Muxtar Respublikası iqtisadiyyatının inkişafı istiqamətləri;
   
4. 
   sosial təminat;
   
5. 
   ətraf mühitin qorunması;
   
6. 
   turizm;
   
7. 
   səhiyyə, elm, mədəniyyət.
   

2. 
   Bu maddədə göstərilən məsələlərə dair Naxçıvan Muxtar Respublikasının Ali Məclisi qanunlar qəbul edir.
   

M a d d ə 1 3 9 . Naxçıvan Muxtar Respublikası Ali Məclisinin həll etdiyi məsələlər(Qərar)

1. 
   Naxçıvan Muxtar Respublikasının Ali Məclisi aşağıdakı məsələləri həll edir:
   

1. 
   Naxçıvan Muxtar Respublikası Ali Məclisinin işinin təşkili;
   
2. 
   Naxçıvan Muxtar Respublikasının büdcəsinin təsdiqi;
   
3. 
   Naxçıvan Muxtar Respublikasının iqtisadi və sosial proqramlarının təsdiqi;
   
4. 
   Naxçıvan Muxtar Respublikası Baş nazirinin vəzifəyə təyin və vəzifədən azad edilməsi;
   
5. 
   Naxçıvan Muxtar Respublikasının Nazirlər Kabineti tərkibinin təsdiqi;
   
6. 
   Naxçıvan Muxtar Respublikasının Nazirlər Kabinetinə etimad.
   

2. 
   Bu maddədə göstərilən məsələlərə dair Naxçıvan Muxtar Respublikasının Ali Məclisi qərarlar qəbul edir.
   

M a d d ə 1 4 0 . Naxçıvan Muxtar Respublikasının Nazirlər Kabineti

1. 
   Naxçıvan Muxtar Respublikasının Nazirlər Kabinetinin tərkibini Naxçıvan Muxtar Respublikası Baş nazirinin təklifi ilə Naxçıvan Muxtar Respublikasının Ali Məclisi təsdiq edir.
   
2. 
   Naxçıvan Muxtar Respublikasının Baş nazirini Azərbaycan Respublikası Prezidentinin təqdimatına əsasən Naxçıvan Muxtar Respublikasının Ali Məclisi təyin edir.
   
3. 
   Naxçıvan Muxtar Respublikasının Nazirlər Kabineti:
   

• 
  muxtar respublika büdcəsinin layihəsini hazırlayıb Naxçıvan Muxtar Respublikasının Ali Məclisinə təqdim edir;
  
• 
  muxtar respublikanın büdcəsini icra edir;
  
• 
  muxtar respublikanın iqtisadi proqramlarının həyata keçirilməsini təmin edir;
  
• 
  muxtar respublikanın sosial proqramlarının həyata keçirilməsini təmin edir;
  
• 
  Azərbaycan Respublikası Prezidentinin onun səlahiyyətlərinə aid etdiyi digər məsələləri həll edir.
  

4. 
   Naxçıvan Muxtar Respublikasının Nazirlər Kabineti qərar və sərəncamlar
   

qəbul edir.

M a d d ə 1 4 1 . Naxçıvan Muxtar Respublikasında yerli icra hakimiyyəti

Naxçıvan Muxtar Respublikasında yerli icra hakimiyyətlərinin başçılarını Naxçıvan Muxtar Respublikası Ali Məclisi sədrinin təqdimatı əsasında Azərbaycan Respublikasının Prezidenti təyin edir.

DÖRDÜNCÜ BÖLMƏ