Ticarətdə iri anbar binalarının tikilməsi bir çox üstünlüklərə malikdir. Belə ki, iri anbarlarda istehsal müəssisələrindən tranzit qaydada mal almaq, ticarət-texnoloji prosesi səmərəli təşkil etmək, yükləmə-boşaltma işlərini mexanikləşdirmək və avtomatlaşdırmaq və.s üçün geniş imkanlar yaranır.
İstər ümumi mal anbarları və istərsə də meyvə-tərəvəz anbarları tikilən zaman anbardan istifadə etmək səmərəliliyini yüksəltmək və ticarət-texnoloji prosesləri səmərəli təşkil etmək üçün anbarlarda maşın və avadanlıqların tətbiqinə, texnoloji proseslərin və mal təchizatı işinin təkmilləşdirilməsinə xüsusi diqqət yetirilməlidir. Lakin hələlik respublikamızda belə müasir anbar binalarının tikilməsi və daha məhsuldar avadanlıqlar tətbiq edilməsinə lazımi diqqət yetirilmir.
