İstər ümumi mal anbarları və istərsə də meyvə-tərəvəz anbarları tikilən zaman anbardan istifadə etmək səmərəliliyini yüksəltmək və ticarət-texnoloji prosesləri səmərəli təşkil etmək üçün anbarlarda maşın və avadanlıqların tətbiqinə, texnoloji proseslərin və mal təchizatı işinin təkmilləşdirilməsinə xüsusi diqqət yetirilməlidir. Lakin hələlik respublikamızda belə müasir anbar binalarının tikilməsi və daha məhsuldar avadanlıqlar tətbiq edilməsinə lazımi diqqət yetirilmir.
Anbar təsərüfatının inkişafında mühüm amillərdən biri anbarların işində müasir texnologiyanın tətbiq olunması, anbarlarda yükləmə-boşaltma işlərinin mexanikləşdirmə və avtomatlaşdırılma səviyyəsinin yüksəldilməsi sahəsində vahid texniki siyasətinin yeridilməsidir. Xüsusi ilə ticarətdə mexanizm və avtomatların tətbiqi canlı və əşyalaşmış əmək məsrəflərini azaltmağa, əmək şəraitini yaxşılaşdırmağa,anbarın həcmindən daha yaxşı istifadə etməyə imkan yaradır.
