əsas turizm mərkəzləri paytaxt Kopenhagen və Zelandiya adası, Bornholm, Fyun və
Yutlandiya yarımadasıdır.
Kopenhagen və Zelandiya turizm bölgəsi. Kopenhagen – Zelandiya adasında, Şimal və Baltik
dənizlərini birləşdirən boğazda yerləşir. 2004-cü ildə şəhər və onun ətrafında 136 mehmanxana var idi.
Kopenhagenin tarixi mərkəzini kiçik Slotsholmen adası təşkil edir. Burada Danimarka parlamentinin binası,
adanın şərqində isə Taun holl binası və meydanı yerləşir. Bu meydandan şəhərin ən böyük ticarət küçəsi öz
başlanğıcını götürür.
Kopenhagenin əsas görməli yerləri Tivoli əyləncə parkı, Xristianiya azad şəhəri və Su pərisinin
heykəlidir (2008-ci ildə qəzetlərdən biri tərəfdən şəhərin ən məhşur yeri seçilmişdir). Tivoli parkı 1843-cü
ildən fəaliyyət göstərərək hər il təxminən 4 mln. ziyarətçi qəbul edir.
Kopenhagendə çoxlu muzey və rəsm qalareyası vardır ki, onların içərisində ən məhşurları Milli Muzey
və Kral Təsviri İncəsənət muzeyidir. Kopenhagen ətrafında Maral qoruğu və Avropanın ən qədim əyləncə
parkı (1583-cü il) sayılan Direxavsbakken və ya Bakken yerləşir.
Zelandiya adasının cənubunda yerləşən Mon adası öz əsrarəngiz təbiəti, qayaları, qumlu çimərlikləri ilə
seçilir. Loplan adasında Knuttenburq safari parkı, Nestved adası yaxınlığında isə BonBon-Lend “konfet”
əyləncə parkı yerləşir.
Bornholm turizm bölgəsi. Baltik dənizində yerləşən Bornholm turistlərə mənzərəli qayalar, balıqçı
kəndləri və qumlu çimərliklər təklif edir. Ən çox ziyarət edilən şəhərləri Qulheym, Sandviq, Svanike və
Rönnedir. Adanın ən məhşur yeri Hammerhaus qəsrinin möhtəşəm qalıqlarıdır.
Fyun turizm bölgəsi . Zelandiya ilə Böyük Belt körpüsü ilə birləşir. Odensdə (Fyunun paytaxtı) Hans
Xristian Andersen anadan olmuş və uşaqlığını keçirmişdir. Onun yaşadığı ev hal-hazırda muzey kimi
fəaliyyət göstərir. Bundan əlavə burada Eqesk ə Xvedholm qəsrləri və öz dar küçələri və saman damları ilə
turistləri cəlb edən Ture, Tasinq ə Erö adaları yerləşir.
