Əvvəldən mövcud ürək və qan dövranı ilə əlaqədar xəstəlikləriniz (hipertoniya, ürək ritm pozğunluqları, koronar və ürək qapaqları ilə əlaqədar xəstəliklər, keçirilmiş infarkt və s.), istifadə etdiyiniz dərmanlar (hipotenzivlər, dövran tənzimləyiciləri, antiaritmiklər, beta-blokatorlar, diüretikler, aspirin və s.) müalicə əsnasında riski artırıb və ürək tutması keçirmənizə səbəb ola bilərlər.
Xəstəliyinizin ağırlığına görə, təzyiqinizi daha yaxından təqib edə bilmək üçün bəzən arteriya içinə xüsusi bir iynə yerləşdirilməsi lazım ola bilər. Bu zaman iynə daxil olan yerdə qan laxtası toplanması, qan dövranı pozuqluğuna bağlı zədələnmələr meydana gələ bilər.
Böyük damarlara kateter qoyulması (qol, boyun, qasıq və s.): reanimasiyada müalicə edilən xəstələrə rutin olaraq edilməkdədir. Bu əməliyyatların ediləcəyi yerə görə qanama, ağciyərlərdə hava / qan toplanması, laxta atması, sinir yaralanması kimi arzuolunmaz hallar meydana gələ bilər
