Qasim Süleymani məktəbi
Yüklə 0,92 Mb. Pdf görüntüsü
|
|
11
İctimai ədalət İctimai ədalət dedikdə məqsəd cəmiyyətdə sərvətin düzgün bölüşdürülməsidir. İmam Xamenei 04/06/04 tarixində buyururdu: "İctimai ədalət Böyük İmamımızın siyasi məktəbinin ən əsas cəhətlərindəndir". İctimai ədalət təbiətə hakim olan ədalətə dayanır, dinc birgəyaşayış onun əsasında həyata keçir. İmam Xamenei 1995-ci ildə buyururdu: "İctimai ədalət sırf ictimai bir məsələ olub hakimiyyətə, siyasətə və cəmiyyətin idarəsinə aiddir". 67 Həmçinin buyururdu: "İctimai ədalət prinsipi, ədalətin icrası, xalqın bütün təbəqələrinin hüququnu nəzərə almaq və təbəqələrarası məsafəni aradan qaldırmaq İslam quruluşunun əsas prinsiplərindəndir". Böyük Rəhbər 1988-ci ildə buyururdu: "İctimai ədalət odur ki, bütün təbəqələr İslam cəmiyyətinin bütün imkanlarından bəhrələnsinlər... Bu məsələ qanun, dəyərləndirmə, çıxış və yazılarda başda durmalı, ayrıseçkilik, zülm və yoxsulluq aradan qaldırılmalıdır". O həmçinin 04/06/99 tarixində buyururdu: "İctimai ədalət əsas devizlərdəndir, onu ikinci dərəcəli hesab etmək olmaz". İmam Xomeyni məktəbini formalaşdıran və Süleymani məktəbinin xüsusiyyətlərindən olan bu baxış Qurandan və dini ədəbiyyatdan götürülmüşdür. İmam Xamenei Quran ayələrindən istifadə edərək ictimai ədaləti dinlərin ayrılmaz hissəsi hesab edir. Çünki dinlərin məqsədi ədalətli sistem qurmaqdır. O, ictimai ədaləti İslam quruluşunun ən bariz amalı adlandırıb İslam mətnlərində çox vurğulanmasını onun əhəmiyyəti ilə əlaqələndirir. Allah-Taala Quran-kərimdə peyğəmbərləri göndərməsi barədə buyurur: "Biz peyğəmbərlərimizi açıq-aşkar dəlillərlə göndərdik. Biz onlarla birlikdə kitab və ədalət tərəzisi (şəriət) nazil etdik ki, cəmiyyətdə ədalət bərqərar olsun". Yəni ilahi peyğəmbərləri göndərməkdə məqsəd ədalətə, ədalətli yaşayışa nail olmaqdır. 68 İmam Xomeyni 1981-ci ildə buyurmuşdu: "Allah-Taala buyurur ki, insanlar ədalətlə yaşasınlar deyə peyğəmbərlər göndərdik, onlara dəlillər, nişanələr verdik. Məqsəd budur ki, insanlar arasında ictimai ədalət olsun, zülm aradan qalxsın, haqsızlığa son qoyulsun, zəiflərə qayğı göstərilsin". Süleymani 2018-ci ildə Bəsic həftəsində deyirdi: "Dinlə bağlı Qüds qüvvələrinin üzərinə düşən vəzifə Böyük İslam peyğəmbərinin və ondan sonrakı böyük övliyaların missiyasını davam etdirmək, zülmə, İslam düşmənlərinə qarşı mübarizə aparmaq, İslamı qorumaq, yaymaq, İslam mədəniyyətini təbliğ etmək, müsəlmanlara özlərini müdafiə imkanı yaratmaq, məzlumları müdafiə və istismarçıları məğlub etməkdir". O, eynilə bu yolla getdi. Süleymaninin İraq, Suriya, Livan, Yəmən və Əfqanıstan xalqlarını ABŞ, İsrail və İŞİD-dən ibarət işğalçı və terrorçulardan xilas etmək, Suriya və İraqda sülh və əmin-amanlıq yaratmaq, zülmkarlığa son qoymaq istiqamətində fəaliyyətləri və ictimai ədalətin icrası üçün göstərdiyi səylər heç vaxt dünya müsəlmanlarının yadından çıxmayacaq. General-mayor Əsğər Səburi deyir: "Şəhid Süleymani üçün şiə-sünni fərqi yox idi. Müsəlmanların canı onun üçün dəyərli idi. O, inqilab rəhbərindən öyrənmişdi ki, müqavimət cəbhəsini və məzlumları müdafiə etmək üçün müsəlmanlar arasında fərq qoymamalıdır". 1 1 Fəkkə jurnalı, say: 202, səh. 71. 69 Süleymaninin baxışında ictimai ədalət, xalqa diqqət, xalqın problemlərini həll etmək və vəzifəsini yerinə yetirmək böyük əhəmiyyət kəsb edirdi. General-mayor Mehdi İranməniş deyir: "İnsanların məktublarıyla ciddi maraqlanıb deyirdi: "Mənə məktub yazan adam cavabını gözləyir. Gərək cavab verim". Süleymani xalqın və müsəlmanların razılığını istəyirdi. O, dünyada ictimai ədalətin bərqərar edilməsini və zülmə son qoyulmasını istəyir, regionda və digər yerlərdə hər bir məzluma dəstək verməyə çalışırdı. O, 2018-ci ilin yayında Həmədanda Ramazan əməliyyatının ildönümü tədbirində çıxış edərək deyirdi: "Bütün hökumətlər xidmətçidirlər. Hər bir hökumət ölkəni bir qədər irəli aparmışdır. Ancaq hökumətlər bəzi məsələlərə diqqət yetirsələr, böyük təsirləri olar. Bəlkə də idarəçilikdə möcüzə göstərməyə bilərik, ancaq ümumi razılıqda, ədalətdə, qardaşlıqda və həmrəylikdə göstərə bilərik". 1 Şəhid Süleymani bu baxışı əsl Məhəmməd İslamından, İmam Xomeyni və İmam Xamenei məktəblərindən öyrənmişdi. O, 2018-ci ildə Kirmanın Şəhid Bahünər adına universitetində deyirdi: "Rəhbərin baxışında əsl İslamın mühüm parametrləri zülmlə barışmazlıq, ədalətsevərlik, məzlumları müdafiə, cəmiyyətə ümid bəxş etmək, qorxu və cəhaləti yox etməkdir". Onun özü eynilə həmin çərçivədə, həmin rels üzərində getdi, həyatı zülmə qarşı mübarizə, məzlumu müdafiə və 1 Şərq qəzeti, 28 iyul, 2018. 70 ictimai ədalət uğrunda işlərlə keçdi. O, əməlləri ilə xalqa ümid verir, cəmiyyətin razılığını artırır, həmrəylik öyrədirdi. Süleymani məktəbi ictimai ədalət xüsusiyyəti ilə bütün dünyaya göstərdi ki, materialist ideologiyalar və sosial- demokratiya nəzəriyyələri varlı və yoxsul arasında məsafəni aradan qaldıra, problemləri həll edə, insanların maddi və mənəvi nemətlərdən bəhrələnməsini təmin edə bilmir. O, ədalət yoluyla gedərək müsəlmanlara və qeyri- müsəlmanlara göstərdi ki, bugünkü bəşəriyyətin yeganə xilas konsepsiyası əsl Məhəmməd (s) İslamındadır. Süleymani məktəbinin ictimai ədalət xüsusiyyəti İmam Xomeyninin 1988-ci ildə dediyi əsl İslamdan götürülmüşdür: "Əziz və mübariz övladlarım! Düşünəcəyiniz yeganə iş əsl Məhəmməd (s) İslamının təməllərini gücləndirməkdir. Bu İslam, başında müstəmləkəçi Amerikanın durduğu qərbi və cinayətkar Sovetin dayandığı şərqi xar edəcək. Bu İslamın bayraqdarları dünyanın məzlum və yoxsulları, düşmənləri dinsizlər, kafirlər, kapitalistlər və pulpərəstlərdir". İmam 03/04/89 tarixində Ayətullah Cənnətiyə müraciətində əsl Məhəmməd (s) İslamının çərçivəsini müəyyən etmişdi: "Əsl Məhəmməd (s) İslamının çərçivəsi qərb kapitalizminə və işğalçı şərq kommunizminə qarşı müqəddəs və inqilabi qəzəbdən ibarətdir..." İctimai ədalət yalnız əsl Məhəmməd (s) İslamının yoluyla getməklə əldə oluna bilər. Süleymani bu yolla gedir, həqiqi ədalətə nail olmaq istəyirdi. 71 Hacı Qasim Süleymani İslam məktəbindən, əziz İslam peyğəmbəri həzrət Məhəmməd ibn Abdullahın (s) və İmam Xomeyninin məktəbindən dərs alaraq dünyada zülmün yox və ədalətin bərqərar edilməsini qarşısına məqsəd qoymuşdu, ictimai ədalət xüsusiyyəti ilə İmam Mehdi (ə) hakimiyyətinə zəmin yaradırdı. İmam Xomeyni 1987-ci ildə buyururdu: "Həzrət Mehdinin (ə) dövründə vahid hökumət qurulacaq, bütün dünyada ictimai ədalət bərqərar olacaq". 1980-ci ildə isə buyururdu: "Həzrət Mehdi (ə) İslama və İslam peyğəmbərinə tabedir, ancaq bununla yanaşı, Peyğəmbərin gözünün işığıdır və onun buyurduqlarını icra edəcəkdir". O həmçinin buyurmuşdu: "İmam Mehdi (ə) İslamın icraçı orqanıdır. Onun zamanında hər yerə ədalət yayılacaq". |