Qasim Süleymani məktəbi
Yüklə 0,92 Mb. Pdf görüntüsü
|
|
13
Düşməni tanıma İnsana həyatda lazım olan məsələlərdən biri də düşməni tanımaqdır. Düşmən insanın inkişafına, xoşbəxtliyinə maneədir, müxtəlif yollarla öz düşmənliyini göstərir. Bu baxımdan, düşmənlik üsullarını öyrənmək də əhəmiyyətlidir. İmam Xamenei 04/06/99 tarixində Tehranın cümə namazında buyururdu: "İmam Xomeyni düşməni tanıyırdı, onun siyasi üsullarına, təbliğat yollarına bələd idi və onlara qarşı mübarizə aparırdı". 81 Həmçinin 1992-ci ildə buyururdu: "O müstəsna rəhbərin inkişafının və ilahi uğurlarının əsas səbəbi budur ki, düşməni tanıyırdı, ona zərrə qədər də inanmadan və qarşısında geri çəkilmədən var gücü ilə müqavimət göstərirdi". İmam Xomeyni şahı, Səddamı, Amerikanı, İsraili, azğın qruplaşmaları, düşmənin hiylə və planlarını tanıyırdı, ağıllı və ayıq şəkildə onlara qarşı mübarizə aparırdı. Süleymani də imam və vilayət məktəbini tanıyırdı, tağuta bələd idi. O, qəddar bəəsçi düşməni, beynəlxalq imperializmi, işğalçı sionist rejimini, münafiqləri, İŞİD-i, terrorçuları, Ali-Səudu, Ali-Xəlifəni tanıyırdı, şəhid olana qədər onlara qarşı mübarizə apardı. Hacı Qasim Süleymani və Süleymani məktəbinin bariz səciyyəsi düşməni tanımasıdır. O, 2017-ci ildə İmam Xameneiyə məktubunda yazırdı: "İmam Əlinin dövründə baş qaldırıb müsəlmanları əsl Məhəmməd (s) İslamının şirinliyindən məhrum edən fitnələrə bənzər təhlükəli bir fitnə 6 il öncə sionizm və imperializm zəhəri ilə birləşib dağıdıcı tufana döndü, İslam dünyasına hücum çəkdi. Bu təhlükəli və zəhərli fitnə İslam dünyasında geniş müharibə alovu yaratmaq, müsəlmanları bir-birinin canına salmaq məqsədi ilə törədildi". Bu sözlər Süleymaninin yüksək ayıqlığını və düşməni dəqiq tanımasını göstərir. Böyük Şəhid Hacı Qasim Süleymani düşməni, onun planlarını, İraq və Suriyadakı fitnələrin əsas icraçılarını tanıdığına görə rəhbərinə yazırdı: "Amerikanın ən yüksək 82 dövlət məmurunun etiraf etdiyi kimi, bütün bu cinayətlər Amerikaya bağlı lider və təşkilatlar tərəfindən planlaşdırılmış, icra olunmuşdur". Bu əziz şəhid İrandakı 2009-cu il fitnələri haqda dəqiq bilgiyə malik olduğuna, dostu düşməndən ayırd etdiyinə görə 2010-cu ilin fevralında Qüds qüvvələrinin toplantısında deyirdi: "Dostu düşməndən ayırmaq üçün nə edirsiniz?.. Fitnə gecə kimi qaranlıqdır. Biz bir-birimizi silkələməliyik; itələməli deyilik... İki məsələyə - fəqihin rəhbərliyi və İslam respublikası quruluşuna dair mövqeyimizi bildirəndən sonra qaranlıqda dostu düşməndən ayıra bilərik. İnqilab düşmənləri heç şübhəsiz, bizə qoşulmayacaqlar. Biz inqilabçı ilə əks-inqilabçıları ayırmalıyıq". Hacı Qasim Süleymani 2018-ci ilin Bəsic həftəsində deyirdi: "Mən sizə cənab Dəvvaninin "Kufə və onun ilk İslam əsrlərində rolu" kitabını oxumağı tövsiyə edirəm. Mən onu diqqətlə oxumuşam. Bu mövzuda digər kitablar da mütaliə etmişəm. Nə üçün deyirəm ki, oxuyun? Çünki hər bir mühüm cərəyanda mühüm təhdidlər də yaranır. Əgər o təhdidlər aradan qaldırılmasa, diqqət və tamah mərkəzində olduğuna görə həmin mühüm və təsirli cərəyan ziyan görər. Müaviyənin İmam Əlidən qabaqkı xəlifələrlə işi yox idi; çünki onların onunla işləri yox idi. Bu gün bizim dünyadakı vəziyyətimiz də belədir. Amerika və sionizm rejiminin bir çox ölkələrlə işləri yoxdur, amma bizimlə vuruşurlar. Bu, eynilə İmam Əli və Müaviyə siyasətlərinin ziddiyyəti kimidir. Ədalətli imam fasiq bir 83 cərəyanın İslam dövlətinin bir hissəsinə hakimiyyətini qəbul edə bilməzdi". Amerikanın və imperializmin Süleymani ilə düşmənliyinin səbəbi o dəyərli şəhidin düşməni tanıdığına, düşmənlə barışmadığına və Amerikaya qarşı mübarizə apardığına görədir. Seyid Həsən Nəsrullah Şəhid Hacı Qasim Süleymaninin şəhadəti mərasimində deyirdi: "Amerikalılar regionda hara gedirdilərsə, Hacı Qasim Süleymanini qarşılarında görürdülər. Suriyada, İraqda, Livanda, Yəməndə, Əfqanıstanda – müqavimətə bağlı hər bir yerdə Qasim Süleymanini qarşılarında görürdülər. İsrail Qasim Süleymanini öz qarşısında ən təhlükəli adam bilirdi". İmam Xamenei 08/01/20 tarixində buyururdu: "Əziz şəhidimiz Hacı Qasim Süleymani pulla, Amerikanın geniş təbliğat maşını ilə, diplomatik imkanlarıyla, dünya siyasətçilərinə, xüsusən də zəif ölkələrə təzyiqləri ilə hazırladıqları bütün planlar qarşısında möhkəm dayana, Qərbi Asiyadakı planları poza bildi". Əziz şəhidimizin bu qüvvəsi onun düşməni tanımasından irəli gəlirdi. Süleymani məktəbinin düşmən tanıması Şəhid Qasim Süleymaninin dəqiq və dərin baxışından, böyük ayıqlığından və yüksək dərkindən formalaşmışdı. Onun qüdrəti və düşmənlərin qəlbində yaranmış qorxusu da düşməni tanımasının nəticəsi idi. 84 Süleymani 2016-cı ilin dekabrında demişdi: "İran xalqı düşmənlərini tanımaqla və öz yoluna əminliklə həmişə şərəf və ləyaqət yoluyla gedir". O bununla bildirir ki, düşməni tanıma şərəf və ləyaqətin açarıdır. Höccətül-İslam Seyid İbrahim Rəisi də belə düşünür: "Düşməni tanıması və ixlası Süleymaninin bariz xüsusiyyətlərindən idi". Höccətül-İslam Doktor Rəfii bu baxışla deyir: "Düşməni tanıması Süleymaninin mühüm səciyyələrindən idi". 1 Banənin cümə imamı Mamusta Rəhman Xudayi deyir: "Düşməni tanıması və döyüşdə yaranmış imkanlardan istifadə etməsi İslam ordusunun bu qəhrəman komandirinin bariz xüsusiyyətlərindən idi". 2 General Məhəmmədrza Fəllahzadə isə belə deyir: "Vilayət yolunun bu böyük əsgəri düşmənin planlarını yaxşı bilir, onun öz çirkin məqsədlərinə çatmasına imkan vermirdi". Keşikçilər Korpusunun Baş Komandanı General- leytenant Hüseyn Səlami General Qaaninin Qüds qüvvələrinin komandanı kimi təqdimetmə mərasimində deyirdi: "Bu gün düşmənlərin cismində və ruhunda gördüyümüz məyusluq Hacı Qasim tərəfindən əsası qoyulan yeni ənənənin nəticəsidir. O böyük komandir elə 1 Şəbistan xəbər agentliyi, 31 yanvar 2020. 2 İslam Respublikası xəbər agentliyi, 7 yanvar 2020. 85 bir iş gördü ki, düşmən xərc çəkir, amma faydasını İslam cəbhəsi görürdü. Süleymani düşməni çaş-baş qoyurdu". Süleymani düşməni tanıyırdı, onun plan və hiylələrinə bələd idi, cəsarətli, möhkəm və kafirlərə qarşı sözün əsl mənasında sərt idi. Bu baxımdan, düşməni tanıma Süleymani məktəbinin mühüm səciyyələrindən biridir. O əziz insan bunu İmam Xomeyni məktəbindən öyrənmişdi. |