Qasim Süleymani məktəbi
Yüklə 0,92 Mb. Pdf görüntüsü
|
|
16
Kitab v ə mütaliə sevgisi Kitab və mütaliə sevgisi insanın bariz üstünlüklərindən biridir. İmam Xamenei 4 iyun 1999-cu ildə buyururdu: "Mənim araşdırdığım və xatırladığım qədərincə, dünya liderlərində mövcud olmuş üstün xüsusiyyətlərin əksəri İmam Xomeynidə cəm olmuşdu. O, həm ağıllı idi, həm uzaqgörən; həm ehtiyatlı idi, həm düşməni tanıyan; həm dosta güvənirdi, həm də düşmənə qətiyyətli cavab verirdi. Belə həssas bir vəzifədə Allahı və vicdanını razı salmaq 105 üçün lazım olan bütün xüsusiyyətlər bu kişidə toplanmışdı". Rəhbər düşünürdü ki, İmam Xomeyni fiqh və üsul elmlərində yenilik adamıydı. Onun Qumdakı dərsi birinci fəlsəfə dərsi olmuşdur. O, həm də əxlaq müəllimi idi. İmam Xomeyni Fəqihin rəhbərliyi nəzəriyyəsini bugünkü dünyanın, mövcud ideologiyaların yeni və tükənməz üfüqlərinə baxışla qələmə almış, əsaslandırmışdı. O, mütaliə və qələm əhli idi. İmam Xamenei buyurur: "İslam inqilabının memarı keçmiş hərəkatların tarixini diqqətlə oxuyub araşdırmışdı, inqilabı qorumaq üçün bu təcrübələrdən istifadə edirdi". Məcid Zamanpur "İmam Xomeyninin kitab və mütaliə macəraları" kitabında yazır: "Ağanın dostları deyirlər: "Dəfələrlə olub ki, səhərdən günortaya qədər otaqda onun yanında oturmuşuq. O isə bir söz belə söyləmədən kitab oxuyub". Mütaliəni sevirdi. O qədər mütaliə edirdi ki, gözləri yorulurdu. Bəzən altı saat dayanmadan oxuyurdu". Höccətül-İslam Seyid Mahmud Duayi 2008-ci ildə demişdi: "İmam mütaliə adamı idi, kitab oxumağı çox sevirdi". İmam Xomeyni 1988-ci ildə yazmışdı: "Elm və məlumat dolu həyat o qədər şirin, kitab və qələmlə ünsiyyət o qədər xatirəli və qalıcıdır ki, bütün acı və uğursuzluqları yaddan çıxarır". Şəhid Süleymani məktəbində də kitab oxumaq mühüm qaydalardan sayılır. Onun özü mütaliəçi idi və mütaliəyə həvəsləndirirdi. O, tarixi, əxlaqi, dini və təfsir kitablarını, 106 müharibənin şifahi tarixi barədə yazılmış əsərləri daim oxuyur, öz qeydləri ilə onları təbliğ edir, mütaliəsinə həvəsləndirirdi. “Radio”, “409-cu batalyon”, “Mən sağam”, “Ay batanda” kitablarına, Kirman, Sistan və Bəlucistan və Hürmüzqan vilayətlərinin şəhidlərinin anım konfransının kitablarına qeydləri Süleymaninin kitab və mütaliə sevgisinə nümunələrdir. Şəhid Süleymani Şəhid Hacı Əli Məhəmmədipurun həyatı barədə yazılmış kitabın müəllifi Məhəmmədrza Bayramiyə məktubunda yazırdı: "Mən barəsində yazdığınız bu şəhidi illər öncədən tanıyıram. Biz bir yerdə böyümüşük, birlikdə müharibəyə getmişik, birlikdə vuruşmuşuq, əməliyyatlarda iştirak etmişik... Mən səhərəcən oturub sizin kitabınızı oxuyub ağlamışam. Sizin əllərinizdən öpürəm. Ancaq bizim şəhidlərimiz yetərincə böyükdürlər, onların barəsində mübaliğə etmək lazım deyil". İslam Təbliğatı Komitəsinin İncəsənət şöbəsinin keçmiş sədri Möhsün Mömini deyir: "Süleymani şəhidlər barədə kitab yazmağın əhəmiyyətini 24-25 il öncə başa düşüb şəhid dostları üçün kitab yazılmasına çalışırdı... Hacı Qasim Əli Xoşləfzin xatirələrini oxumuşdu. Deyirdi ki, bu kitabı Bağdaddan Kürdüstana gedəndə oxumuşam. Yəni bizim komandirimiz belə şəraitdə də kitab oxuyurdu". Süleymani deyirdi: "Əl-Qarat" kitabını mütləq oxuyun. Onu oxusaq, Əli ibn Əbu Talib (ə) hökumətinin davamı olan bu hökumət barədə daha şüurlu şəkildə, fərd və qrup 107 maraqlarından uzaq halda fikir bildirər, onu müdafiə edərik". O, 2018-ci ildə Bəsic həftəsində çıxış edərkən deyirdi: "Mən xahiş edirəm İmam Əlinin (ə) dördillik hakimiyyəti barədə yazılmış kitabları oxuyun... Çox yaxşı olar ki, bu kitabları oxuyaq, onun söz və tapşırıqlarıyla tanış olaq. Mən cənab Dəvvaninin yazdığı "Kufə və onun ilk İslam əsrlərində rolu" kitabını oxumağı tövsiyə edirəm. Qalın, amma mühüm kitabdır. Müəllifin atası mərhum Əli Dəvvani də mühüm tarixçi olub, ona çox gözəl müqəddimə yazıb. Mən bu kitabı diqqətlə oxumuşam. Bu mövzuda başqa kitablar da mütaliə etmişəm...” Süleymani həmçinin 2014-cü ilin Müqəddəs müdafiə həftəsində çıxışında deyirdi: "Mən müharibəni yaşamış və yaşamamış adamların hamısına müqəddəs müdafiə barədə kitabları oxumağı tövsiyə edirəm. Bəlkə də ən güclü tərbiyə amilləri bu kitablardadır. Görürsünüz ki, Böyük Rəhbər ən çox müqəddəs müdafiə kitablarını tərifləyir və tövsiyə edir. Bəlkə bu barədə çap olunmuş az kitab var ki, o oxumasın, barəsində qeyd yazmasın. Çünki bu kitablarda çox təsirli amillər vardır". İmam Xamenei 29 oktyabr 1999-cu ildə buyururdu: "Vaxtım çox olmasa da, müqəddəs müdafiə barədə yazılmış kitabların bir çoxunu oxuyuram. Özüm üçün də faydalıdır. Bu kitabları oxuyun, dəyərli gənclərin həyatını öyrənin". O, 13 dekabr 2016-cı ildə buyururdu: "Mən müqəddəs müdafiə dövrünün şəhid və veteranları barədə yazılmış 108 kitabları oxumanızı tövsiyə edirəm. Həm şirin və maraqlı kitablardır, həm də sizi bir çox məsələlərlə tanış edəcəkdir". Dahi Rəhbər 7 oktyabr 2013-cü ildə buyururdu: "İnqilab tarixinin, müqəddəs müdafiə tarixinin bu nailiyyətlərini öyrənin. Bunları çox uca tutmaq lazımdır. Xalq arasında da yayılmalıdır... Düzgün tarix bunlardır, bu kitablardır. Bunların gənclərə çatması üçün əlinizdən gələni edin". Şəhid Hacı Qasim Süleymani İmam Xomeyni və İmam Xamenei kimi kitab təbliğatçısıdır, müqəddəs müdafiə kitablarını oxumağı tövsiyə edir. O, “Radio” kitabına qeydində yazır: "Ağır və həyəcanlı əməliyyatdan belə dəyərli və çox təsirli xatirə bu qədər sadə şəkildə çatdırılmamalıdır. Radio mövzusunun özü bütün nəsillərə ən gözəl və maraqlı roman ola bilər. Müharibələrin əsir və dustaqlarının adətən, siqaret və unutdurucu narkotik maddələr axtardığı halda Ruhullah Xomeyninin mənəvi övladları onun düşüncələrini öyrənməyə, ruhlarının onun yolunda duruş gətirməsinə çalışırlar... Bu, bir inqilab liderinin çox ağır bir şəraitdə gənc və yeniyetmələr üzərində təsirini göstərir". Həmçinin iyirmi üç yeniyetmə əsir barədə yazılmış kitab haqda yazırdı: "Əziz Əhməd, kitabını oxuyanda özümdən asılı olmadan gözlərim önündə əsirlik səhnəsi təcəssüm olundu, həzrət Zeynəbin əsirliyini xatırlayıb ağladım". 109 O əziz şəhid əsirlikdən qayıtmış Məsumə Abada məktubunda "Mən sağam" kitabı barədə yazırdı: "İnşallah, kitabını bütün dillərə tərcümə etdirəcəyəm ki, kənizi Məsumənin belə məsum olduğu halda Peyğəmbər qızı Zeynəbin necə olduğunu hamı bilsin". Onun bu baxışı İmam Xameneinin baxışından irəli gəlirdi. Böyük Rəhbər 2013-cü ildə buyururdu: "Sizin kitablarınız tərcümə olunsa, çox oxucu toplayar. Beynəlxalq oxuculara çox əhəmiyyətli yanaşın. Siz müqəddəs müdafiəyə və ya əsirlərə aid şifahi xatirələri ingiliscəyə, ispancaya, yaxud bu tərəfdən, urdu dilinə tərcümə etsəniz, bilirsiniz dünyada nə baş verər?! Bir mədəniyyətin təbliği üçün bu qədər zəhmət çək, adam yetişdir, filan yerə göndər, gedib öhdəsindən gələlər, yaxud gəlməyələr... Ancaq siz bu işi kitab vasitəsilə görə, bütün dünyanı əhatə edə bilərsiniz. Necə ki digərləri bu işi görmüşlər... Çalışın, bunları digər ölkələrdə də yayın". Süleymaninin iki inqilab imamı kimi İranda və dünyada mütaliəyə həvəsləndirməsi müqavimət cəbhəsinin bu beynəlxalq şəhidinin həyatında böyük əzəmətdən xəbər verir. Süleymaninin mütaliəsi bütün sahələri əhatə edirdi: tarixi, əxlaqi, fiqhi və təfsiri kitablardan roman və povestlərə qədər; Quran, Nəhcül-bəlağə, Səhifeyi- Səccadiyyə kitablarının tərcümə və təfsirlərindən qeydlər götürməkdən kolumbiyalı yazıçı Qabriel Qarsiya Markesin kitablarını oxumağa qədər. 110 Bu dəyərli şəhid 9 iyul 2019-cu ildə "Qırxillik inqilab" kitabına yazdığı qeyddə özünün dərin elmi və dini baxışını ortaya qoymuşdur: "Bu kitab İslamın dövlət idarəçiliyi bacarığının bir qismini göstərir. Əgər imkan versəydilər, bu dəyərli irs - fəqih rəhbərliyinin Quran hakimiyyəti tam həyata keçsəydi, o zaman Quranın və dinin möcüzəsini daha aydın görərdilər". Süleymani məktəbində beşikdən qəbrədək elm öyrənmək mədəniyyəti praktik formada görünür. O, şəhadətindən üç-dörd gün öncə ofisindəki dostlarından birinə demişdi ki, Ayətullah Cavadi Amuli, Ayətullah Misbah Yəzdi, Ayətullah Məzahiri, Ayətullah Meşkini və Ağa Müctəba Tehraninin əxlaq dərslərinin kaset və disklərini əldə etsin. O, əxlaq və irfan kitablarını olduqca çox mütaliə edirdi. Həmişə tövsiyə edirdi ki, İmam Xomeyninin “Qırx hədis” və “Namazın sirləri” kitablarını mütaliə edək. Dostlarına və şəhid övladlarına ən dəyərli hədiyyəsi kitab olurdu. |