Qasim Süleymani məktəbi
Yüklə 0,92 Mb. Pdf görüntüsü
|
|
10
D əyərləri müdafiə Dəyərlər etiqad sistemində və insanın əməllərində ən mühüm və əsaslı amil sayılır. İnsanın qəbul etdiyi dəyər onun üçün məqsədə çevrilir. İmam Xomeyni məktəbində imperializmə qarşı mübarizə, inqilabçılıq, ədalətsevərlik, dəbdəbədən uzaq durmaq, dövlət məmurlarının sadə yaşaması, əxlaqi sekulyarizm və özbaşınalığın inkarı, dünya məzlumlarını müdafiə, düşmənə qarşı müqavimət, əxlaqi fəzilətlərin, birliyin, bərabərliyin, qardaşlığın təbliği, siyasi asılılığın inkarı, ayıqlıq, düşməni tanıma və təqva qəbul olunmuş 62 dəyərlərdəndir. Onları yaymalı, qorumalıyıq. İmam Xomeyni dəyərlər məsələsinə Fəqihin rəhbərliyi mövzusunu açıqlayarkən aydınlıq gətirmişdir. Həmin baxış Şəhid Süleymani məktəbində də görünür. İmam Xamenei 04/06/04 tarixində buyururdu: "Vilayəti-fəqih (Fəqihin rəhbərliyi) quruluşun idarə olunduğu, sağa-sola yayınmanın qarşısının alındığı mərkəzdir. Fəqihin rəhbərliyi məsələsində əsas olan budur". O, eyni çıxışında buyururdu: "Quruluşun ali məqsədlərə doğru ümumi hərəkətini qorumaq, ona nəzarət etmək fəqih rəhbərliyinin ən mühüm, ən əsaslı roludur". General-polkovnik Hacı Qasim Süleymani belə düşünürdü: "Kim inqilab prinsiplərinə sadiqdirsə, onun əlini öpürük. Hamımız birlikdə onun əlini öpürük. İnqilab prinsipləri rəhbərliyə diqqətdir, Fəqihin rəhbərliyi prinsipini qəbul etməkdir". 1 O, vəsiyyətnaməsində yazır: "İslam dünyasının həmişə rəhbərliyə ehtiyacı var; şəriət və fiqh nöqteyi-nəzərindən məsum tərəfindən təyin olunan və məsuma birləşən rəhbərliyə. Yaxşı bilirsiniz ki, dünyanı silkələmiş və İslamı dirçəltmiş ən pak din alimimiz, yəni böyük və pak Xomeynimiz fəqih rəhbərliyini ümmətin yeganə xilas nüsxəsi adlandırmışdır. Ey ona şiə kimi dini baxımdan, ya da sünni kimi əqli baxımdan inananlar! Hər bir ixtilafdan uzaq halda, İslamın xilası naminə vilayət çadırını tərk etməyin. Çadır peyğəmbər çadırıdır. Dünyanın İslam 1 Fəkkə jurnalı, say: 202, səh. 35. 63 Respublikasına qarşı düşmənlikdə əsas planı bu çadırı yandırmaq, uçurmaqdır. Onun ətrafında olun. And olsun Allaha! And olsun Allaha! And olsun Allaha! Bu çadır xəsarət alsa, Allahın müqəddəs evi, Allah rəsulunun evi olan Mədinə, Nəcəf, Kərbəla, Kazimeyn, Samərra və Məşhəd qalmaz, Quran xəsarət alar". Süleymani vəsiyyətnaməsinin davamında belə qeyd edir: "Mənim əziz iranlı qardaş və bacılarım!.. Prinsiplərinizi qoruyun. Prinsiplər fəqih rəhbərdir, xüsusən bu dahi məzlum, dində, fiqhdə, irfanda və mərifətdə öncül şəxsdir. Əziz Xameneini canınızın əzizi bilin, hörmətini müqəddəslərin hörməti sayın". O, Kirman əhalisinə müraciətlə deyir: "Kirmanın sonadək vilayətə sadiq qalmasını istəyirəm. Bu vilayət Əli ibn Əbu-Talibin vilayəti, bu çadır Fatimə Hüseyninin çadırıdır. Onun başına dolanın". Dövlət məmurlarına isə belə müraciət edir: "Bir olmaq istəyirsinizsə, birliyin şərti prinsiplər üzərində açıq konsensusa gəlməkdir. Prinsiplər bir neçə əsas məsələdən ibarətdir. Birincisi vilayəti-fəqihə əməli etiqaddır; yəni onun nəsihətlərini eşidin, dini və elmi təbib kimi etdiyi tövsiyə və tapşırıqlarına ürəkdən əməl edin". Bu əziz şəhid din alimlərinə və dəyərli müctəhidlərə isə belə vəsiyyət edir: "İslam respublikası, dəyərlər və vilayəti-fəqih İmam Xomeyninin irsləridir. Bunlar ciddi şəkildə dəstəklənməlidir. Mən həzrət Ayətullah Xameneini çox məzlum və yalqız görürəm. Onun sizin köməyinizə, dəstəyinizə ehtiyacı var. Siz böyük alimlər sözlərinizlə, 64 görüşlərinizlə, dəstəklərinizlə cəmiyyətə mesaj verməlisiniz". Hacı Qasim Süleymani 2010-cu ildə Xanuq şəhidlərinin anım mərasimində deyirdi: "Mən heç bir partiya və cinahın üzvü deyiləm, İslama və inqilaba xidmət edənlərdən başqa heç bir tərəfə təmayülüm yoxdur... Şiə alimlərinin hamısını yaxından tanıyıram... And olsun Allaha! Allah şahiddir ki, bütün bu ruhanilərin birincisi Ayətullah Xameneidir". O deyir: "Əgər bütün dünya alimləri bir tərəfdə, Böyük Rəhbər bir tərəfdə olsa, heç şübhəsiz, İmam Xameneinin tərəfinə gedərəm". 1 O deyirdi: "Bu gün nəyimiz varsa, inqilabdan və imamdandır. Biz bu ümumi başucalığını imamın xəttinə və onun Böyük Rəhbər tərəfindən davam etdirilməsinə borcluyuq. Bu rəhbərdən qiymətli bir sərvət yoxdur. Bu sərvət başqa heç bir sərvətlə müqayisəolunası deyil. Ölkədə Böyük Rəhbərin siyasətlərinin ziddinə bir söz deyilməməlidir. Əgər deyilsə və ona etiraz edilməsə, biz də günahına şərik olarıq". Süleymani məktəbini bu baxış formalaşdırmışdır. Şəhid Süleymaninin dəyərləri, fəqihin rəhbərliyini, konkret olaraq, İmam Xameneini müdafiə etməsi İmam Xomeyni məktəbindən, İslam respublikasının banisinin baxışından götürülmüşdür. İmam Xomeyni 11/01/88 tarixində öz əzizi Xameneiyə məktubunda yazmışdı: "İslam və İslam əsaslarına bağlı 1 Qardaş Qasim, səh. 28. 65 olan dostlar arasında nadir şəxslərdən olub günəş kimi işıq saçırsınız". Süleymani İmam Xameneiyə və fəqih rəhbərliyinə məhz İmam Xomeyninin bu baxışıyla baxır. İslam İnqilabının Böyük Rəhbəri də Süleymaninin əzəmətinə, mənəvi məqamına və ayıqlığına görə ona məktubunda yazırdı: "Döyüş yerində olduğunuza görə necə narahat olduğum barədə bir söz demirəm, ancaq bilin ki, narahatam". Süleymani həmin məktubun cavabında yazırdı: "Mənim dəyərsiz canım sizin narahatlığınıza dəyməz. Mənim canım sizin dəyərli canınıza min dəfə qurban olsun!" Süleymaninin ustadı İmam Xomeyni belə düşünürdü: "Əgər bu iki xüsusiyyətə (ilahi qanun barədə elm və ədalətə) sahib olan layiqli bir şəxs ayağa qalxıb hökumət qursa, cəmiyyətin idarəsində Allah rəsulunun (s) vilayətinə yiyələnər və bütün insanların ona itaəti vacib olar". 1 Süleymani məktəbi İmam Xomeyni kimi dəyərləri və amalları müdafiəyə qalxır. Süleymani canını İmam Xomeyninin buyurduğu dəyərlərdən olan fəqih rəhbərliyinə və dövrünün fəqih rəhbərinə min dəfə qurban verməyə hazırdır. 1 Fəqih Rəhbərin səlahiyyətləri, səh. 33. |