Qayta tayyorlash va malakasini oshirish instituti pulatov jamshid abdumajitovich sportchilarni

 
"Ishonch paravozi" 
Barcha ishtirokchilar bir qatorga tizilishadi. Birinchi ishtirokchidan 
tashqari guruh a’zolarining hammasi ko‘zlarini yumishadi va bir-
birlarining belidan ushlab olishadi. Birinchi ishtirokchining vazifasi — 
"paravoz"ni xona bo‘ylab to‘siqlar (yo‘llar) orasidan olib yurish, qolganlar 
esa oldindagi ishtirokchining harakatlariga mos ravishda to‘siqlar orasidan 
urinmay-surinmay o‘tishlari darkor. 
 
"Yana yomg‘ir" 
Ishtirokchilar aylana ko‘rinishida turib olishadi. Bunda jimlik hukm 
surishi kerak. Boshlovchi hozir siz yomg‘ir tovushini eshitasiz, lekin 
buning uchun mening harakatlarimni takrorlashingiz kerak", — deydi. 
Boshlovchi o‘rtada turib har bir ishtirokchining oldiga keladi va uning 
ko‘ziga qarab, muayyan harakatlarni bajarib ko‘rsatadi. Har bir ishtirokchi 
toki boshlovchi butun davrani aylanib kelib boshqa harakatni 
ko‘rsatmagunicha shu harakatni bajarib turishi zarur. 
Harakatlar: 
 Kaftlarni bir-biriga ishqalash; 
 Barmoqlarni qirsillatish; 
 Tizzalarni shapatilash; 
 Tovonda sakrash; 
 Oyoqlarni do‘pillatish; 
 Boshni o‘nga va chapga aylantirish; 
 Boshni oldinga va orqaga harakatlantirish. 

---

125 
Ishchanlik muhitini yaratish bo‘yicha o‘yinlar 
Bu xildagi o‘yinlar guruh ishtirokchilariga ma’lum bir muhitda o‘zini 
qulay his qilish ko‘nikmalarini shakllantirishga imkon beradi. Bu 
o‘yinlarda ishtirokchilar bino (xona, maydoncha) bo‘ylab yurishlari, hatto 
yugurishlari, sakrashlari mumkin. Bundan ko‘zlangan maqsad — ularga 
o‘yin o‘tkazilayotgan joyning har bir burchagida o‘zini dadil, ishonchli 
sezishi uchun sharoit yaratib berishdir. Ayni holatda "Arqon tortish" 
o‘yinini o‘tkazish tavsiya etiladi. 
"Kuzatish va eshitish" o‘yinlari 
Bu xil o‘yinlar ishtirokchilardan boshqa ishtirokchilarning ko‘rinishi, 
ularning nimalarni gapirayotgani, nimani his qilayotganligiga (masalan, 
qaerda yashashi, qachon tug‘ilganligi kabilarga) e’tibor berish talab 
qilinadi. Ya’ni, bu o‘yinlarning qatnashchilari norasmiy sharoitda, 
norasmiy holatda bir-birlari haqida ko‘proq ma’lumotga ega bo‘ladilar. 
"Ishonchga asoslangan" o‘yinlar 
Bunday o‘yinlarning asosiy maqsadi ularning nomlanishidayoq 
namoyon bo‘ladi. Ular yordamida guruhda o‘zaro ishonchli 
munosabatlarni shakllantirish mumkin. Bu o‘yinlarni guruh bilan ish 
boshlagan dastlabki paytda emas, balki boshlovchi va guruh a’zolarida 
guruhga nisbatan qandaydir ishonch hissi paydo bo‘lishi uchun keyinroq 
o‘tkazish ma’qulroq. Bu o‘yinlarda guruh ishtirokchilari o‘rtasida taktil 
aloqalar bo‘lishi natijasida ular orasida o‘zaro ishonch, ahillik paydo 
bo‘ladi. 
Shuningdek, 
bunday 
o‘yinlarni 
o‘tkazish. 
jarayonida 
ishtirokchilarning bir-birlariga nisbatan o‘zaro mas’uliyat bilan 
munosabatda bo‘lishi ham namoyon bo‘ladi.