Qoshanov A’bdikerim

A’mirabad ma’deniyati’ 
 
A'miwda'ryanin' quyarlig'indag'i To'rtku'l rayoni aymag'indag'i A'mirabad 
kanali suwlandirip turg’an jerlerden bronza da'wirinin' son'g'i basqishinin' 
yestelikleri tabildi. Bul materialliq ma'deniyat qaldiqlariri alimlar usi jerdin’ 
ha’zirgi ati menen 
A’mirabad ma'deniyati
dep atag’an. 
B.e.sh. 2 min' jilliqtin' aqiri ha'm 1 min' jilliqtin' baslarinda Worta Aziyada tu'p 
ma'nisindegi sotsialliq-ekonomikaliq wo'zgerisler boldi. Usinday wo'zgerislerdin' 
tiykarinda sotsialliq salada ja'ma'a'tlerdin' wo'zlerinin' ishinde mu'lk ten'sizligi ju'z 
berdi. Al ekonomikaliq bag'darda bolsa, sol waqitqa shekem wotiriqshi turmis 
keshirip kelgen sharwalar yendi yarim ko'shpeli turmis qa'lpine wo'tti. 
Qaraqalpaqstannin' a'yyemgi sahraliq sho'l bo'leginde b.e.sh. 2 min' jilliqtin' 
dawaminda sharwashiliq qa'wimleri jasadi. A'yyemgi Xorezmnin' qumliq- 
sho'llerinde turaqli sharwashiliq ushin qolayli bolg'an wotlaq jerler bola 
bermedi. Sonliqtan wolar sharwashiliqti yarim ko'shpeli tu'rde ju'rgizip wotirdi. Sol 
waqitqa kelip ju'z bergen sotsialliq-ekonomikaliq qatlamlaniwlar ha'm yarim 
ko'shpeli turmis qa'lpinin' qa'liplesiwi xaliqtin' bir bo'leginin' A'miwda'ryanin' 
quyarlig'indag'i jerlerde diyqanshiliq penen shug'illaniwina alip keldi. Bul da'wirge 
tiyisli alg'ashqi ja'ma'a'tlerdin’ ma'kan-jurtlarinin' qaldig'i A'mirabad ma'deniyati 
bolip tariyxtan worin aldi. A'mirabad kanalinin' yesteliklerinde a'yyemgi da'rya 
salasinin' boylarinda wonlag'an awillar bolg'an. A'mirabad ma'deniyatina tiyisli 
yesteliklerdin' ishindegi yen' u'lkeni Yаккараrsan-2 dep ataldi. Bul ma'kanda
b.e.sh. X-VIII a'sirlerde xaliq jasag'an. Wolar atizlarg'a suw aparip yegin yekken. 
Kanallar qazg'an. Kanallardin' uzinlig'i bir kilometrge jaqin bolg'an. Kanallarg'a 
qashi shapqan. 
Bul ma'kan-jurtlardan 20 dan aslam jer to'lege uqsag'an u'ylerdin' qaldiqlari 
tabildi. U'ylerdin' maydani 100 ha'm 120 kv. m. bolg'an. Ma'kan-jurtlardan