Qurilish ekologiyasi ” fanidan

9.2 Shaharsozlik faoliyatida ekologik talablar. 
O‘zbekiston Respublikasining tabiiy atrof-muhitni muhofaza qilish, energiya va resurslardan
samarali va oqilona foydalanish bo‘yicha qabul qilingan bir qancha qonunlari hamda qonun osti 
me’yoriy hujjatlarda shaharsozlik faoliyatida maxsus ekologik talablar belgilangan.
Ushbu hujjatlarga asosan shahar va aholi yashash punktlarini joylashtirish, loyihalash, 
qurilishi va qayta ta’mirlanishida tabiiy ekotizimlarni harakat qilishi hamda insonlarning hayotiy
faoliyati uchun o‘rab olgan atrof-muhit holatiga ijobiy ta’sir ko‘rsatishini ta’minlaydigan kompleks 
chegaralarga rioya etilishi zarur .
Ekologik talablar (ya’ni kompleks chegaralar) mutlaqo zarurdir. Vaholanki shaharlar havo va 
suvning asosiy ifloslantiruvchilari hisoblanadi.
Shaharsozlik faoliyatida ekologik talablarni quyidagi uchta asosiy yo‘nalish bo‘yicha ko‘rib 
chiqamiz:
1.

Aholi yashash punktlarini arxitekturaviy loyihalash va qurish;

2.

Shaharlar va aholi yashash punktlarining atrof-muhit muhofazasi sanitariyasi;

3.

Shaharlarda yashil maydonlarni yaratilishi va muhofazasi.

Aholi yashash punktlarini arxitekturaviy loyihalash va qurishda tabiiy atrof-muhitni
tiklanishi, buzilgan maydonlarni rekultivatsiyalash (qayta tiklash), yerlarni obodonlashtirish, 
madaniy meros ob’ektlarini muhofaza qilish, ekologik xavfsiz va atrof-muhit muhofazasini
ta’minlash bo‘yicha chora-tadbirlar qabul qilinishi lozim (3-rasm). 


3-rasm. Ekologik xavfsiz qurilish. 
Har xil ob’ektlarni qurilishi ostida yer maydonlarini ajratishda O‘zbekiston Davlat 

arxitektura va qurilish qo‘mitasi, O‘zbekiston Respublikasi Ekologiya va tabiatni muhofaza

qilish qo‘mitasi, O‘zbekiston Respublikasi Sog‘liqni saqlash vazirligining Sanitariya – 
epidemiologiya xizmati, Davlat yong‘in nazorati va ularning hududiy bo‘linmalarining ijobiy
xulosalari bo‘lishi majburiy hisoblanadi. 

---

58
Ta’kidlangan organlar aholi yashash punktlari maydonlarida mavjud tabiiy atrof-muhitni 

va inson salomatligiga salbiy ta’sir ko‘rsatadigan har qanday ishlab chiqarishni
joylashtirilishiga ruxsat bermaslik xuquqiga ega.