Tədqiqatın predmeti və obyekti. Tədqiqatın predmetini Azərbaycanda mehmanxana biznesində beynəlxalq təcrübənin tənzimlənməsi istiqamətləri təşkil edir. Tədqiqatın obyekti ölkənin iqtisadi inkişafının əsas prioriteti kimi mehmanxana biznesindəki mövcud vəziyyəti, dünyaca məşhur mehmanxana zəncirləri ilə Azərbaycandakı mehmanxanalar arasındakı əlaqəni təhlil etmək, dövlətin bu sahəyə diqqətini öyrənmək, beynəlxalq təcrübənin tətbiqi və tənzimləyici məsələlərin təhlilindən ibarətdir.
Tədqiqatın nəzəri və metodoloji əsasları. Daxili və xarici iqtisadi ədəbiyyatda otel biznesinə digər iş sahələrinə nisbətən az diqqət yetirilir. Eyni zamanda, əksər elmi işlərdə otel biznesinin özü müstəqil tədqiqat obyekti kimi deyil, daha ümumi bir sferada - turizmdə ikinci dərəcəli element kimi çıxış edir.
Bununla yanaşı, tarixən Azərbaycanda əsrlər boyu yaranan və iqtisadi fəaliyyətin xüsusi sahəsi kimi inkişaf etdirilən və indi sektorlararası və beynəlxalq xarakter almış otel biznesi onun müstəqil elmi tədqiqat obyekti kimi qəbul edilməsini tələb edən müəyyən xüsusiyyətlərini özündə saxlayır.
Dostları ilə paylaş: |
