Sinir blokadaları əsnasında və ya sonra ortaya çıxa biləcək problemlər:
Preparatlara qarşı allergiya: Sinir blokadası üçün verilen lokal anestezya preparatlarına qarşı allergiya yarana bilər.
Dərmanların damar içinə edilməsi: Sinirlərin damarlara yaxın qonşuluqları səbəbiylə verilən dərmanlar damar yoluna istənilmədən yeridilə bilər. Bununla əlaqəli baş gicəllənməsi, yuxuluq halı, şüurda pozulma, epileptik (bayılma kimi) hərəkətlər meydana gələ bilər.
Damarların deşilməsi:Sinirə qonşu damarların deşilməsi ilə əlaqədar olaraq, damardan qan toxuma içinə sıza bilər ve bu nahiyyədə toplana bilər.
Sinir zədələnməsi: Sinirin iynə ilə zədələnməsinə bağlı olaraq və ya dərmanın birbaşa olaraq sinir içinə verilməsi səbəbiylə müvəqqəti ya da daimi hərəkət və hissiyyat itkisi ola bilər.
Qolun keyləşdirilməsi üçün boyun nahiyyəsindən edilən müdaxilələrdə; səs batması, əməliyyatın edildiyi tərəfdə göz qapağında enmə(ptoz) və sulanma, ağciyərin deflyasiyası, ağciyərlərdə maye və qan toplanması ola bilər. Bu nahiyyədən verilən dərmanların birbaşa olaraq onurğa beyni mayesinə verilməsi və ya sızması halında boyundan aşağı keyimə və hərəkət itkisi, ürək və / və ya tənəffüs dayanması ola bilər.
İnfeksiya:Hər inyeksiyadan olduğu kimi bu müdaxilələr də infeksiya inkişaf edə bilər.
