8-bob. Umumiy o‘rta ta’limni boshqarish
55. Maktab direktorini lavozimga tayinlash hamda ish beruvchining tashabbusiga koʻra lavozimidan ozod etish viloyat xalq ta’limi boshqarmasi tomonidan xalq deputatlari tuman kengashlari bilan kelishilgan holda amalga oshiriladi.
56. Maktabda jamoatchilik nazorat tizimini joriy etish maqsadida, yuridik shaxs maqomiga ega bo‘lmagan umumiy o‘rta ta’lim muassasasining Kuzatuv kengashi (matnda bunyodan buyon Kuzatuv kengashi deb yuritiladi) tashkil etiladi.
57. Maktab direktori muassasaning tashkiliy-huquqiy, o‘quv-tarbiyaviy, ma’naviy-ma’rifiy va moliyaviy-xo‘jalik faoliyatining tashkil etilishiga bevosita mas’ul hisoblanadi.
58. Maktabda pedagogik kengash tuziladi va uning faoliyati Xalq ta’limi vazirligi tomonidan tartibga solinadi.
59. Pedagogik kengash maktabda o‘quv-tarbiya jarayonining tashkil etilishida oliy boshqaruv organi hisoblanadi.
60. Maktabda qonun hujjatlariga muvofiq o‘quvchilarning jamoat birlashmalari faoliyat ko‘rsatadi.
61. Umumta’lim muassasalarini attestatsiyadan o‘tkazish va akkreditatsiya qilish hamda rahbar va pedagog xodimlarini attestatsiyadan o‘tkazish va ularga malaka toifalari berish O‘zbekiston Respublikasi Vazirlar Mahkamasi tomonidan belgilangan tartibda amalga oshiriladi.
Dostları ilə paylaş: | 
