Situasiya məsələləri Məsələ 5.1. Cədvəl 5.2-dən göründüyü kimi, onurğa beyni mayesi və qan plazmasında Na+ konsentrasiyası demək olar ki, eynidır, OBM-də Ca2+ konsentrasiyası plazmadan iki dəfə aşağıdır. Bu hadisənin mexanizmini izah edin, cədvəl 5.2-dən istifadə edərək Ca2+ aşağı konsentrasiyası ilə birbaşa əlaqəli olan OBM həmin göstəricisini qeyd edin.
Məsələ 5.2. Stress vəziyyətdə olan sağlam bir insanın orta arterial təzyiqi 150 mm civə st. qədər yüksəlmişdir (norma 90 - 100 mm civə st.) və bir saat bu səviyyədə qalmışdır. Bu dövrün 10 dəqiqəsində beyin qan axınının miqdarını ölçürsə: 1) ilkin vəziyyətdən yüksək olacaq, 2) əhəmiyyətli dərəcədə dəyişməyəcək, 2) ilkin vəziyyətdən aşağı olacaq. Cavabınızı əsaslandırın.
Mövzu 6 ENDOKRİN SİSTEMİ TƏLƏBƏLƏRİN AUDİTORİYADAN KƏNAR VAXTDA SƏRBƏST İŞİ Tapşırıq 1. Tədris materialının aşağıdakı məntiqi quruluşundan istifadə edərək dərsin nəzəri materialını öyrənmək. Sərbəst öyrənmə üçün nəzərdə tutulmuş material bu mövzuda mühazirədə mühazirəçi tərəfindən müəyyən edilir, "tələbələrin sərbəst işinin cədvəli və məzmunu"nda da göstərilir. Tapşırıq 1-in materialı yazılan mühazirənin konspekti ilə işləmək, referatlar hazırlamaq və tələbələrin sərbəst işinin digər formaları üçün də istifadə edilə bilər.
6.1. Endokrin sistemin ümumi xüsusiyyətləri 1. Endokrin sistem - xüsusi siqnal molekulları-hormonlardan istifadə edərək orqanizmin funksiyalarını mərkəzləşdirilmiş şəkildə idarə edən bir-biri ilə əlaqəli və müxtəlif yollarla təşkil olunmuş endokrin hüceyrələrin məcmusu. Hormonlar, endokrin hüceyrələr tərəfindən əmələ gələn və hədəf hüceyrə reseptorları vasitəsilə əsasən uzaqdan hərəkət edən hüceyrədənkənar siqnal tənzimləyiciləridir.
2. Endokrin hüceyrələrin birləşmə növləri.
Endokrin vəzləri formalaşdırır
Vəzi (mədəaltı vəz adacıqları, qonadlar və s.) və ya vəz olmayan (böyrəklər, ürək, dammar divarı və s.) orqanın bir hissəsini əmələ gətirir.
Endokrin hüceyrələr orqanlarda diffuz şəkildə yerləşir (qastrointestinal sistem).
Bütün endokrin strukturların qarşılıqlı təsiri endokrin sistemi təşkil edir.
