Ma’naviyat xazinasidan Nuqul o‘tmishidan noliydigan odam kelajagini barbod qilishi mumkin. O‘z ildizini inkor qilgan daraxt qurib qoladi.
O‘tkir Hoshimov Mulohaza uchun Insonning eng ulkan jangi o‘zi bilan kechadi. Biz har daqiqa o‘zimiz bilan kurashamiz – g‘azabni tiyish, ortiqcha xursandchilikka berilmaslik zarur.
Ammo doim ham buning uddasidan chiqa olmaymiz.G‘azab – inson hayotiga va salomatligiga zarar yetkazadigan, baxtsizlikka olib keladigan eng xavfli hissiyot. G‘azab oqibatida qon bosimi, yurak-qon tomir kasalliklari va ovqat hazm qilish bilan bog‘liq kasalliklar paydo bo‘ladi. Psixologlarning aniqlashicha, g‘azabni jilovlash insonning baxtiyorligini va o‘ziga bo‘lgan ishonchini oshirar ekan. Odamlar bizning aytgan so‘zlarimizni unutadilar, odamlar bizning ularga qilgan harakatlarimizni unutadilar, ammo odamlar biz ularga bergan hislarimizni unutmaydilar.
Har kuni ijobiy hissiyot bilan yashash juda muhim. Muammolar haqida jar solish emas, ulardan xalos bo‘lish yo‘lini topish – donolik. Yon-atrofga qarang, muvaffaqiyatsizlikka uchrab, ammo bo‘sh kelmay baxtini, omadini topayotgan insonlar juda ko‘p. Ular o‘z hissiyotlarini boshqara oladigan insonlardir.
IV. Yangi mavzuni mustahkamlash.O`tilgan mavzu mustahkamlanadi
1. Matnni diqqat bilan o‘qing. Erkin Vohidovning «Inson» qasidasiga aytilgan qo‘shiqni tinglang.
«1973-yil edi. Bir kuni Erkin Vohidov «Inson» qasidasini o‘qib berdi. Tinglayapman- u, sochimdan tovonimga qadar bir titroq o‘rmalaydi. Shifokor sifatida odamni faqat biologik jihatdan bilishning o‘zi kamlik qilishi, inson o‘zini anglasa, quvvatini jamlasa, koinotni o‘zgartirishga qodirligini o‘shanda yanada teranroq anglaganman». Abdukarim Usmonxo‘jayev, tibbiyot fanlari nomzodi, dotsent.
2. Matndagi «odamni faqat biologik jihatdan bilishning o‘zi kamlik qilishi, inson o‘zini anglasa, quvvatini jamlasa, koinotni o‘zgartirishga qodir...» degan fikrni tahlil qiling 3. Shoir «Inson o‘zing» deganda insondagi qanday imkoniyatlar, qusurlar, xususiyatlar haqida so‘z yuritayapti?
4. «O‘zini anglasa», deyilganda nima nazarda tutilmoqda?
