279) Vaksini ambardan poliklinikaya daşımaq üçün nə istifadə edilir?
A) İstənilən qab (yeşık, qutu, kisə və s.)
B) Termostat
C) Termoçanta (çanta - soyuducu)
D) Məişət termosları
E) Əl çantası
Vaksini ambardan poliklinikaya daşıdıqda termoçantadan istifadə edirlər.
Ədəbiyyat: Təcrübədə İmmunlaşdırma – “Soyuq zəncir” modulu, Bakı, 2007, səh. 13.
280) Vaksin preparatlarının saxlanıldığı temperatur rejiminin daha təhlükəli pozulması ən çox harada baş verir?
A) Vaksin hazırlayan institutun ambarında
B) Tibbi preparatların ərazi ambarlarında saxlanması zamanı
C) Vaksinin daşınması zamanı, vaksinatorun iş yerində
D) Vaksin hazırlanan zaman
E) Tibbi preparatlar müalicə - profilaktik müəssisələrində saxlandıqda
Vaksin preparatlarının saxlanılmasına temperatur rejiminin daha təhlükəli pozğunluqları (təsadüfi qəzalar)vaksinin daşınması zamanı və vaksinatorun iş yerində mümkündür.
Ədəbiyyat: Təcrübədə İmmunlaşdırma – “Soyuq zəncir” modulu, Bakı, 2007, səh. 31.
281) Yoluxucu xəstəlikdən şübhələnən həkimin (tibb işçisinin) taktikası necə olmalıdır?
A) Yekun dezinfeksiya aparmalı
B) Ocağın sərhədlərini təyin etməli
C) Vaksinoprofilaktika aparmalı
D) Təmasda olan şəxsləri aşkar etməli
E) “Təcili bildiriş vərəqəsi” göndərməli
Yoluxucu xəstəlikdən şübhələnən həkim (tibb işçisi) “Təcili bildiriş vərəqəsi” göndərməlidir.
Ədəbiyyat: İ.Ə.Ağayev, X.N.Xələfli, F.Ş.Tağıyeva. Epidemiologiya. Bakı, 2011, səh. 93
Dostları ilə paylaş: | 
