Sanitar-feldşer ixtisası üzrə nümunəvi test sualları Bölmə Epidemiologiya

152) Qan infeksiyalarının yayılmasında aşağıdakılardan hansı iştirak edir?
A) İnyeksion alətlər

B) Torpaq

C) Baş örtüyü

D) Su

E) Paltar və yataq ağları
Qan infeksiyalarının yayılma amillərinə inyeksiya alətləri aiddir.
Ədəbiyyat: Л.П.Зуева, Р.Х.Яфаев. Эпидемиология. 2006, səh 437
153) Qan infeksiyalarının yoluxma mexanizmi hansıdır?
A) Təmas - məişət

B) Fekal - oral

C) Aerogen

D) Məişət əşyaları

E) Transmissiv, parenteral
Qan infeksiyasının yoluxma mexanizmi transmissiv və parenteral yolladır.
Ədəbiyyat: Л.П.Зуева, Р.Х.Яфаев. Эпидемиология. 2006, səh 437
154) Səpkili yatalaqlı xəstə infeksiya mənbəyi kimi nə vaxtdan təhlükəlidir?
A) İnkubasiya dövrünün ortasında

B) İnkubasiya dövrü ərzində

C) Rekonvalessent dövr ərzində

D) Temperaturun normalaşdırılmasından 3 gün sonra

E) Bütün qızdırma dövrü ərzində

Səpkili yatalağa tutulmuş xəstə infeksiya mənbəyi kimi bütün qızdırma dövründə ətrafdakılar üçün təhlükəli sayılır.

Ədəbiyyat: İ.Ə.Ağayev, X.N.Xələfli, F.Ş.Tağıyeva. Epidemiologiya. 2011, səh 206
155) Səpkili yatalaq xəstəliyinin törədicisi xəstə insanlardan sağlam şəxsə hansı yolla ötürülür?
A) Bitlərlə

B) Sirkə sürfələri ilə

C) Səpkili yatalaqlı xəstənin bəlğəmi və seliyi ilə

D) Səpkili yatalağa tutulmuş xəstənin nəcisi ilə

E) Səpkili yatalağa tutulmuş xəstənin sidiyi ilə
Səpkili yatalaq xəstəliyinin törədicisi bitlərlə yayılır.
Ədəbiyyat: İ.Ə.Ağayev, X.N.Xələfli, F.Ş.Tağıyeva. Epidemiologiya. 2011, səh 206