Saodat toxirovna toshaliyeva r e k r u t m e n t

14.2. Kadr agentliklari bilan ishlash texnologiyalari. Ish beruvchi 
korxona (buyurtmachi) va kadr agentligi (ijrochi) o‘rtasidagi 
aloqadorlikni tashkil etish: shartnoma, personalni tanlash, yollash, 
adaptatsiya borasidagi hamkorlik 
Bir qarashda, rekruting agentligi bilan ishlash oson. Nimasi qiyin 
ekan? agentlikni tanlaymiz, ariza to‘ldiramiz, shartlar bo‘yicha muzokaralar 
olib boramiz, shartnoma imzolaymiz. So‘ng kutamiz. Natijani olamiz. 
Ba'zan natija kutilganidek bo‘ladi. Ba'zan unday emas ... 
Qiziq, ammo "agentlik bilan ishlash" iborasida hamma ham "ishlash" 
so‘ziga e'tibor bermaydi. Ammo ikkala tomon ham ishlashi kerak - ham 
mijoz, ham agentlik. Birinchisida ishchini tanlash vazifasi, ikkinchisi 
birinchisining ehtiyojlari uchun pul ishlash. Ammo ikkinchisining yutug’i 
aynan birinchisining faolligi va qat'iyatiga bog'liq. 
Shunday qilib, aytaylik kompaniyada bir nechta shoshilinch 
vakansiyalar ochilganligini ma’lum bo‘ldi. Barcha bo‘sh ish o‘rinlari uchun 
nomzodlarni mustaqil izlash uchun vaqt yo‘q. Demak ushbu jarayonni 
kadrlar agentliklariga autsorsingga berish lozim bo‘ladi. 
Qidiruv. 
Ishga qabul qilish tartibi, ishlatilgan texnologiyalardan qat'i 
nazar, taxminan bir xil. Har qanday tanlov lavozimni tavsiflash bilan 
boshlanadi. Rekruter qanday nomzod izlashi kerakligi to‘g’risida aniq 
tasavvurga ega bo‘lmasdan qidiruvni boshlashida ma’no yo‘q. Boshqacha 
qilib aytilsa, qorong'i xonada qora mushukni topish qiyin, ayniqsa mushuk 
qanday ko‘rinishi kerakligi, qanday bilim va ko‘nikmalarga ega bo‘lishi 
haqida ma'lumot yo‘q bo‘lganda. Bunday ma'lumotlarsiz bir nechta 
agentliklarga murojaat qilish, yoki rekruterning o‘zi qidirishi mumkin. 
Ammo oqibatda "noto‘g'ri" nomzodlarning rezyumesini qo‘lingizga kelib 
tushadi. Ma'nosiz qidiruvlarga vaqt sarflamaslik kerak: aniqlashtirish, 
buyurtma bergan menejer bilan suhbat o‘tkazish lozim, ammo "nomzod" 
ning aniq tavsifi paydo bo‘lmaguncha autsorsing kompaniyalari bilan 
bog'lanmaslik lozim. Quyidagi mezonlar bilan cheklanib qolmaslik zarur: 
nomzodning jinsi, ma'lumoti, yoshi, tajribasi va boshqalar. Ushbu mezonlar 
muhim, ammo bu mezonlarga ko‘pchilik to‘g’ri keladi.