|
Şəhərsalma karkası. Şəhərsalma sistemlərinin növləri
Təyini: Şəhərsalma sistemi – məkanda təşkil olunmuş və qarşılıqlı əlaqədə olan maddi elementlərin - texniki cəhətdən mənimsənilmiş ərazilərin, bina və qurğuların, yolların və mühəndis qurğularının, ərazinin müxtəlif səviyyələrində (miqyaslarda) cəmiyyətin həyat fəaliyyəti mühitini formalaşdıran təbii komponentlərlə birgə cəmindən ibarətdir.
Ərazi səviyyələri: kontinentin, ölkənin, regionun, rayonun (rayon qrupunun), aqlomerasiyanın, şəhərin məskunlaşma sistemləri.
Şəhərsalma sistemi təbii-texnogen (təbii-antropogen) sistem olub özünə fəal şəkildə təbii komponentləri daxil edir.
Istənilən şəhərsalma sistemi daim inkişaf (proqres, reqres), vəziyyətindədir. Inkişaf prosesinə həm xarici, həm də daxili amillər təsir göstərir. Məsələn, Qərbi Sibir regionu şəhərlərinin və bütün məskunlaşma sisteminin təkamül prosesinə: təbii-iqlim şəraiti, geosiyasi və makroiqtisadi vəziyyət, ümumi məskunlaşma sisteminin və nəqliyyat kommunikasiyaları sistemi və b. təsir göstərmişdir.
Şəhərsalma sistemlərinin inkişafına bilavasitə ərazi şəraiti və resurslar (ehtiyat) təsir göstərir. Şəhərsalma layihələndirilməsinin vacib tərkib hissəsi ərazinin kompleks dəyərləndirilməsidir. (şək.38).
Dostları ilə paylaş: |
